Instalacións do CiMUS, un dos centros autorizados para realizar as probas PCR en Galicia. Foto: CiMUS/USC.
Instalacións do CiMUS, un dos centros autorizados para realizar as probas PCR en Galicia. Foto: CiMUS/USC.

O Instituto Carlos III valida tres laboratorios de Galicia para facer probas PCR do SARS-CoV-2

O CiMUS de Santiago, a Universidade de Vigo e o Instituto de Estudios Celulares e Moleculares, situado en Lugo, poderán incorporarse á rede estatal

O Ministerio de Ciencia anunciou este sábado a incorporación de 30 novos laboratorios de centros de investigación e universidades para realizar probas de PCR para o diagnóstico do virus SARS-CoV-2. Cos 24 que xa foran validados polo Instituto de Saúde Carlos III (ISCIII), xa son 54 os laboratorios que se poñen ao dispor das comunidades autónomas para realizar estas probas, que determinan se unha persoa está infectada ou non con coronavirus. E por primeira vez anúncianse laboratorios de Galicia: son a Universidade de Vigo, o Centro de Investigación Singular en Medicina Molecular e Enfermidades Crónicas da Universidade de Santiago (CIMUS) e o Instituto de Estudios Celulares e Moleculares (ICM) con base en Lugo. Estes centros reforzarán, en caso de que así se considere desde a Xunta de Galicia, o traballo que veñen realizando os laboratorios de Microbioloxía do Servizo Galego de Saúde.

Segundo o protocolo establecido polo Ministerio de Sanidad, os centros de investigación e universidades agora acreditados, tanto de carácter público como privado, enviaron unha Declaración Responsable ao Ministerio de Ciencia e Innovación na que informaron de que cumpren unha serie de requisitos de bioseguridade, medios técnicos e persoais. O procedemento que segue aberto para outros laboratorios que cumpran con estes requisitos. Agora son as comunidades as que teñen que confirmar que contan co seu apoio e fornécenlles as mostras para realizar as probas e o proceso de validación das mesmas.

Segundo o indicado nos requisitos, os centros autorizados xustificaron que dispoñen de persoal formado en técnicas de bioloxía molecular; teñen capacidade para traballar con mostras infecciosas de nivel 2, cabina de bioseguridade e equipos adecuados, capacidade para producir reactivos de inactivación, manexo de técnicas de extracción por medios propios que non resten capacidades aos centros hospitalarios; posibilidade de realizar PCR por medios propios ou mediante kits comerciais, ter persoal capacitado para validar informes de análises clínicas ou, en caso de non dispoñen deste servizo, a posibilidade de facer a validación nun hospital, persoal sanitario ou os servizos de saúde pública da comunidade autónoma.

A lista completa dos novos centros acreditados pode consultarse nesta ligazón.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.