Un total de 24 persoas faleceron en Galicia por gripe dende o inicio desta tempada da ondada epidémica. 16 das persoas non estaban vacinadas.
A respecto da vixilancia dos ingresos hospitalarios con gripe confirmada, disponse de información de todos os hospitais públicos galegos e máis Povisa e Fátima. Dende o principio da tempada e ata as 15:30am do martes día 05/02/2019, declaráronse 625 ingresos (dos cales 608 foron declarados ata a semana 05/2019 e 17 xa na semana 06/2019) dos que 400 están xa dados de alta).
Do total dos casos, 48 requiriron asistencia en uci e dos 515 que tiñan indicada a vacina, 277 non a recibiran.
As cifras de mortes desta tempada están moi por debaixo da incidencia de anos anteriores (o ano pasado houbo 200 falecidos diagnosticados).
Os consellos de saúde seguen a ser tapar boca e nariz para toser, lavar as mans con frecuencia, evitar espazos moi concurridos e, sobre todo, non acudir ao posto de traballo en caso de ter os síntomas, especialmente a febre.