Se queres colorear de xeito rápido unha foto dos teus avós ou pais, poida que ColouriseSG te sirva. Esta páxina web permite subir fotografías para que unha rede neuronal (un tipo de intelixencia artificial) a interprete e a coloree de forma realista.
O procedemento é moi sinxelo e basta con arrastrar ou seleccionar do computador a imaxe en cuestión para que comece a operación. Unha vez analizada, procesada e coloreada, podes descargala. Non te toparás con cores saturadas nin brillantes, pero a fotografía parecer case auténtica.
Segundo os seus creadores, o ‘Science and Artificial Intelligence Division’ do departamento de ‘open data’ do goberno de Singapura, o proceso tras o coloreado de fotos depende de varios factores, pero pode resumirse nos seguintes: adéstrase a intelixencia cun banco inmenso de fotografías, de modo que así aprenda o que é unha fotografía a cor; e logo dótanlle das ferramentas para colorear a foto.
O desembarco de Normandía coloreado.
Con estas dúas habilidades, pode colorear unha foto nova partindo do seu coñecemento previo e da análise de cada nova foto. Hai fallos e hai cousas que se poden colorear mellor, pois a Intelixencia Artificial non ten toda a información do mundo para facelo ben. E, por exemplo, pode darlle cor a esta famosa fotografía de Rosalía de Castro. Ou colorear imaxes como as do desembarco de Normandía na Segunda Guerra Mundial.
Podes acceder a Colourise nesta ligazón.
