Galicia rexistra dous novos casos de hepatite aguda infantil en Vigo

A comunidade detectou cinco casos ata o momento e dous deles permanecen coa enfermidade de orixe descoñecida aínda en activo

Aínda non hai unha causa coñecida da hepatite aguda infantil que xa se detectou en Galicia. Foto: Freepik
Aínda non hai unha causa coñecida da hepatite aguda infantil que xa se detectou en Galicia. Foto: Freepik

Dous novos casos de hepatite aguda infantil de orixe descoñecida na área sanitaria de Vigo. Así o acaba de comunicar a Consellería de Sanidade nun comunicado. Segundo explican, un deles tivo a enfermidade no mes de marzo e o outro permanece ingresado pero evoluciona favorablemente. Ata o momento detectáronse en Galicia cinco casos, dos que dous deles permanecen coa doenza activa.

Os dous primeiros casos notificados fixéronse públicos por parte da Consellería o 19 de abril. Un deles na área da Coruña e o outro en Vigo. No seu momento indicouse que un dos doentes pasara a enfermidade en xaneiro e o outro estaba en recuperación con evolución positiva.

O terceiro caso, tamén na área de Vigo, sucedeu en febreiro. Cando Sanidade informou do caso, indicou que o paciente estaba asintomático e cunha “analítica normalizada”. Con todo, a Consellería sinala que o sistema sanitario galego “permanece alerta” na detección de casos. De feito, dende que saltou a alarma sanitaria comezouse a busca retroactiva de casos, de aí que algúns dos notificados xa pasaran a enfermidade en meses anteriores.

“A nova hepatite pode ser unha sinerxía entre a covid e outros virus, pero é cedo para sabelo”

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.