Domingo 16 Xuño 2024

Durmir menos de cinco horas cuadriplica o risco de morte en hospitalizados

Unha nova iniciativa que parte de investigadores e persoal sanitario quere cambiar a cultura dos hospitais respecto do descanso dos pacientes. Agora, denuncian, é demasiado habitual que se interrompa varias veces cada noite o soño das persoas ingresadas, o que afecta negativamente tanto ao seu estado de ánimo como á súa recuperación. Por iso, puxeron en marcha o proxecto Sueñon, co que impulsar novas prácticas que fagan máis amable a estancia.

SueñOn é unha campaña impulsada por enfermeiras da Unidade de Investigación en Coidados de Saúde do Instituto de Saúde Carlos III de Madrid e está dirixida a toda a sociedade (profesionais de saúde, xestores, pacientes). En Galicia, profesionais da Enfermería dos principais hospitais galegos xa se sumaron a esta iniciativa e o vindeiro mes de novembro, entre os días 15 ao 18, haberá un encontro sobre este tema na cidade da Coruña.

Publicidade

O obxectivo é concienciar e cambiar a cultura dos coidados hospitalarios

O fin de Sueñon é promover o descanso das persoas hospitalizadas, e a través de dúas frontes de actuación: En primeiro lugar, empoderar aos profesionais da saúde, liderados por enfermería, para que poidan cambiar as súas rutinas usando as recomendacións que propón a evidencia.

E, por outra banda, establecer dun plan de comunicación para que a mensaxe chegue á poboación en xeral a través dos profesionais que lles coidan, as asociacións de pacientes e os medios de comunicación social.

A iniciativa está baseada en resultados científicos que constatan que un 82 % das persoas ingresadas tiveron algunha interrupción do soño nalgún momento e, desta porcentaxe, un 33 % afirmou ter «moitos» problemas para durmir axeitadamente.

Estas interrupcións adoitan ser debidas á luz excesiva, as rutinas e coidados de enfermería, ao paciente ou ao compañeiro de habitación, ao ruído na unidade de hospitalización, a que a cama non sexa cómoda e a temperatura da habitación sexa a adecuada e finalmente, a dor, a fatiga, o medo ou a preocupación. A todo isto, engádense as sestas diúrnas propiciadas polo tempo que deben permanecer na cama ou sentados sen maior distracción.

Desde a súa posta en marcha, xa se sumaron un cento de enfermeiras

Ademais, a investigación na que se baseou a campaña mostra que os pacientes que dormen pola noite menos de 5 horas teñen asociado un incremento de mortalidade catro veces maior en comparación cos que dormen máis destas horas.

Desde a súa posta en marcha, a mediados de xullo, xa recrutaron a case un centenar de enfermeiras que se comprometeron a seguir estas recomendacións nos seus propios centros. Aproximadamente a metade, ademais, colaborarán na recompilación de datos sobre a situación do descanso dos pacientes. De momento, o obxectivo é que a iniciativa chegue “de abaixo a arriba”, e nos próximos meses tamén sumar ás institucións e aos centros de saúde.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Botas sesta ou tes insomnio? Catro formas de durmir e as súas consecuencias na saúde

A diabetes, a obesidade, as enfermidades neurodexenerativas e os problemas de saúde mental asócianse coa falta de sono

O 48% da poboación adulta española e o 25% da infantil carecen dun sono de calidade

Os trastornos relacionados afectan a un 22-30% da poboación e máis de catro millóns de persoas padecen algún tipo de afección crónica

Identificada unha nova diana terapéutica para o tratamento da enfermidade do sono

A investigación avanza no coñecemento do 'Trypanosoma brucei', parasito responsable desta patoloxía

Os pesadelos poden ser un bo indicador dunha futura demencia

Un último estudo de The Lancet mostra que os soños poden revelar unha cantidade sorprendente de información sobre a saúde do noso cerebro