O alzhéimer considérase unha enfermedidade que afecta a población envellecida, porén, os casos temperás que inclúen a persoas menores de 65 anos representan o 10% de todos os diagnósticos. Un rapaz de China de 19 anos acaba de ser diagnosticado por un grupo de neurólogos, o que o converte na persoa máis nova con alzhéimer. Na súa familia ninguén tiña antecedentes da doenza e el tampouco padecía outras enfermidades que expliquen a gran deterioración cognitiva que sofre dende varios anos atrás.
O rapaz comezou a ter problemas de concentración, case non podía levar unha vida normal na clase e a súa memoria a curto plazo reducíase cada vez máis, non lograba lembrar o que acontecera o día anterior e perdía cousas continuamente. Tiña 17 anos e foi durante a súa etapa en secundaria cando notaba que algo non ía ben e rematou por deixar os estudos.
Un ano despois comezou a someterse a probas e análises que determinaron unha atrofia hipocampal bilateral, hipometabolismo do lóbulo temporal e maior concentración da proteína tau, sinais típicas do alzhéimer. Na súa maior parte, os pacientes menores de 30 anos que padecen esta enfermidade están afectados por mutacións xenéticas patolóxicas, o que se coñece como alzhéimer familiar (FAD). Porén, os investigadores da Capital Medical University de Beijing non puideron atopar ningún xene sospeitoso.
A puntuación da memoria a escala completa do paciente foi un 82% máis baixa que a dos compañeiros da súa clase e a puntuación de memoria inmediata foi un 87% máis baixa. Aínda que é necesario realizar un seguemento para manter o diagnóstico, o equipo médico considera que o paciente está “alterando a nosa comprensión da idade típica do inicio da EA”.
“O paciente tivo unha EA de inicio moi temperá sen mutacións patóxenas claras”, escribe o neurólogo Jianping Jia. En declaracións ao South China Morning Post os neurólogos explican que é necesario centrarse e estudar estes inicios temperás de EA para avanzar no coñecemento da pérdida da memoria. “Explorar os misterios dos rapaces con enfermidade de Alzhéimer pode converterse nunha das cuestións científicas más desafiantes do futuro”, explican. O estudo publicouse na revista Journal of Alzheimer’s Disease.
