Luns 15 Abril 2024

A EMA non recomenda a cuarta dose para a poboación xeral

A viróloga Sonia Zúñiga, do CSIC, sinala que "non hai apenas beneficio adicional en canto a aumento da protección fronte á enfermidade severa"

De momento, non haberá unha cuarta dose das vacinas contra a covid-19 para a poboación xeral. Esa é a mensaxe que lanza a Axencia Europea do Medicamento (EMA) e o Centro Europeo para a Prevención e o Control de Enfermidades (ECDC) nun comunicado. “É demasiado pronto para considerar o seu uso”, sinalan no documento, facendo alusión ás vacinas de ARNm —é dicir, Pfizer e Moderna—. Pola contra, os dous organismos europeos conviñeron en recomendar a cuarta dose nos maiores de 80 anos, debido a que son unha poboación máis vulnerable a sufrir covid grave.

A este respecto, a viróloga española Sonia Zúñiga, do Centro Nacional de Biotecnoloxía do CSIC, afirma o seguinte: “Os estudos sobre unha posible cuarta dose realizados polo momento indican que, aínda que o nivel de anticorpos sobe coa cuarta dose, a protección fronte á infección por ómicron vai diminuír do mesmo modo en que o fai despois da terceira dose, e non hai apenas beneficio adicional en canto a aumento da protección fronte á enfermidade severa”.

Publicidade

Sen evidencia concluínte

Así o reforza o comunicado da EMA, que sinala que en adultos sans e menores de 60 anos “non hai evidencia concluínte” de que a protección da vacina contra a enfermidade grave estea a diminuír ou que, como sinala Zúñiga a través do Science Media Center, unha cuarta dose dea un valor engadido. Tampouco atoparon “probas claras” da diminución da protección na franxa de 60 a 79 anos. De todas formas, a EMA fai fincapé en que se a situación epidemiolóxica actual cambia —por exemplo, coa aparición de novas variantes—, poden cambiar as recomendacións e, de ser preciso, considerar unha cuarta dose para este grupo de idade.

A maiores, Zúñiga cre que hai algúns aspectos que non se mencionan no comunicado da EMA. “Un punto que non tratan no anuncio de hoxe é a conveniencia de que vacinas se actualicen para ser máis efectivas fronte a ómicron. As empresas fabricantes estaban desenvolvemento estas inxeccións máis específicas que, en caso de estar listas e ser aprobadas, serían unha mellor alternativa para esa potencial cuarta dose nas persoas vulnerables”, conclúe a investigadora.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Máis do 90% das crías de pardela cincenta teñen plásticos no estómago

Un estudo en exemplares xuvenís de Canarias e Azores apunta a esta especie como un biomarcador de refugallos flotantes no Atlántico norte

Un hidroxel permite cultivar células neurais para reparar lesións medulares

O material desenvolvido polo CSIC combínase con campos magnéticos, un avance na busca de novas terapias

Que fai a supercomputación galega nun xacemento exipcio de hai 3.500 anos?

O CESGA almacena nun repositorio seguro a información das campañas de escavación que se desenvolven na antiga cidade de Tebas

Un equipo do CSIC logra controlar unha doenza causante da extinción dos anfibios

Os investigadores aplicaron un funxicida agrario sen observar trazas do produto nin efectos significativos na química e bioloxía da auga