As compañías Reig Jofre, (BME: RJF), farmacéutica cotizada no mercado continuo da bolsa española, e a biotecnolóxica CZ Vaccines, do grupo galego Zendal, firmaron un acordo coa Axencia Executiva Europea nos ámbitos de Saúde e Dixital (HaDEA, polas súas siglas en inglés) para reservar capacidade de produción de vacinas.
A Comisión Europea, a través de HaDEA, iniciou un proceso de licitación co obxectivo de asegurar unha rede de fabricación e subministración en toda a UE e o Espazo Económico Europeo, co fin de garantir a dispoñibilidade temperá de vacinas en caso dunha emerxencia de saúde pública. O consorcio formado por Reig Jofre e CZ Vaccines foi un dos catro adxudicatarios finais en devandito proceso.
O acordo de reserva de capacidade subscribiuse cunha duración inicial de catro anos. HaDEA ten a posibilidade de estender este acordo en dúas prórrogas até unha duración máxima de oito anos.
Experiencia en crisis sanitarias
As capacidades combinadas de ambas farmacéuticas, que aseguran un proceso de fabricación integrado, desde o antíxeno até a forma final de dosificación da vacina, xunto coa experiencia demostrada na xestión de unha crise sanitaria, a dispoñibilidade de tecnoloxía de vangarda e a capacidade produtiva a gran escala foron factores esenciais para ser elixidos integrantes desta rede de fabricantes europeos de vacinas. A dúas compañías comprometéronse a producir e entregar dentro do territorio da UE as doses de vacinas asignadas no contrato, nun período de doce meses desde a activación dunha situación de emerxencia.
Zendal comprométese a reservar capacidade produtiva na súa planta de vacinas do Porriño
A compañía do grupo Zendal comprométese a reservar capacidade produtiva na súa planta de vacinas do Porriño para fabricar o principio activo da vacina. Pola súa banda, Reig Jofre reservará até o 30% da capacidade máxima anual da súa nova planta de inxectables situada en Barcelona para satisfacer as necesidades do programa.
Se a capacidade reservada se activase por unha emerxencia, ambos os compañías asumen o compromiso de asegurar a cadea de subministración, levar a cabo a transferencia tecnolóxica da vacina elixida por HaDEA e asignar os equipos de persoal técnicou necesario específicamente formados no proceso para satisfacer o incremento da demanda.
Potenciar proxectos
Ademáis dos ingresos derivados deste acordo e vinculados á reserva da capacidade de fabricación requirida, Reig Jofre seguirá potenciando proxectos, tanto para clientes como en produtos propios co obxectivo de alcanzar a máxima capacidade de produción de viarios líquidos e liofilizados.
ZendalL e Reig Jofre agradeceron a a Comisión Europea a confianza depositada en ambas as empresas nun proxecto desta importancia estratéxica no ámbito da saúde dos cidadáns europeos e, do mesmo xeito en que se comprometeron cos seus equipos e capacidades tecnolóxicas durante a recente pandemia do Covid, afrontan este novo reto “conscientes da responsabilidade asumida para garantir a subministración de vacinas no caso de que así o requira unha futura emerxencia”.
Oito empresas de Zendal
Zendal é a marca corporativa do grupo biofarmacéutico que aglutina a oito empresas enfocadas á investigación, o desenvolvemento, a fabricación e a comercialización de vacinas humanas e animais e outros produtos de alto valor engadido para o ámbito da saúde. As firmas que se atopan baixo o seu paraugas son CZ Vaccines, Biofabri, Probisearch, Vetia, Petia, Zinereo, laboratorios Ovejero e Maymó. O grupo farmacéutico do Porriño conta cun equipo formado por máis de 650 persoas, na súa maioría de alta cualificación.
A filial CZ Vaccines está adicada á investigación, o desenvolvemento e a fabricación a gran escala dunha ampla gama de vacinas víricas e bacterianas e outros biolóxicos nas súas diferentes plantas produtivas.
