Co gallo do Día Mundial da Investigación da enfermedade, a Asociación Española Contra o Cancro (AECC) celebrou en Madrid o acto de entrega das axudas á investigación científica para combatir a doenza. Na cerimonia estiveron presentes representantes do grupo de Oncoloxía Médica Traslacional (Oncomet) do Instituto de Investigacións Sanitarias de Santiago de Compostela (IDIS).
As axudas de investigación de AECC financiaron dous proxectos innovadores de Oncomet
A liña de axudas de AECC ofrece apoio económico a propostas innovadoras e orixinais no senso da investigación. Neste senso, Oncomet recibiu axuda para dous ‘Proyectos Semilla‘. Un deles aborda o desenvolvemento de novas estratexias no estudo da Biopsia Líquida, para o que o grupo recadou máis de 500.000 euros no pasado ano, e que permite comprobar o papel dos glóbulos vermellos na formación e evolución do cancro de mama.
Por outra banda, o IDIS tamén recibiu financiamento para un proxecto da unidade de Nanooncoloxía, para o desenvolvemento de nanomedicamentos capaces de alcanzar células tumorais espalladas, e que eliminen estas células antes de que produzan metástases no cancro de pulmón.
Aproveitando a celebración de onte, a AECC fixo un chamamento para mobilizar á sociedade e instar ao Estado español a que implante unha estratexia nacional de investigación sobre o cancro. A entidade pide que “polo menos se duplique” o investimento realizado nos últimos anos, e que se promova o desenvolvemento e a retención do talento investigador, coordinando as políticas científicas no beneficio dos pacientes.
