A OMS insta a vacinar ás persoas vulnerables polo aumento de casos de Covid-19 e gripe

O director xeral avisa de que a maioría dos Estados xa non contan con medidas para limitar a propagación do virus e o risco de propagación que iso supón

O máximo responsable da Organización Mundial da Saúde (OMS), Tedros Adhanom Ghebreyesus, vén de recomendar aos estados de Europa unha vacinación masiva para tódalas persoas vulnerables perante o aumento de casos de coronavirus e gripe no continente.

“Varios países de Europa informan dun aumento de casos, hospitalizacións e mortes por Covid-19. Isto é algo esperable porque o clima está comezando a arrefriar, as persoas pasan máis tempo xuntas en espazos pechados interiores e a maioría dos Estados xa non contan con medidas para limitar a propagación do virus“, argumentou durante unha comparecencia de prensa ao comezo desta tarde.

Publicidade

“As medidas para frear a propagación do coronavirus durante a pandemia tamén axudaron a reducir a carga da gripe. Pero coa maioría desas medidas levantadas, a gripe está de volta e non se debe tomar a broma. As vacinas contra a gripe son seguras e efectivas para reducir as enfermidades graves e a morte, especialmente entre os grupos de maior risco. Así que, por favor, vacínese contra a gripe”, concluíu o director xeral da OMS.

Pero coa maioría das medidas de prevención levantadas nos estados europeos, a gripe está de volta e non se debe tomar a broma.

Tedros Adhanom Ghebreyesus, Organización Mundial da Saúde (OMS)

Unha mención para o ébola

Por outra banda, Tedros Adhanom Ghebreyesus quixo alertar, na mesma comparecencia, do estado sanitario delicado que se está a vivir en Uganda, onde confirmaron 63 casos de ébola e polo menos 29 mortes. Reclamou publicamente que, neste sentido, o país axilice os trámites para realizar os ensaios clínicos coas novas vacinas. “Vimos de liberar dous millóns de euros do Fondo de Continxencia para Emerxencias e estamos a traballar cos nosos socios para enviar a expertos, subministros e máis recursos adicionais para tratar de conter os contaxios“, concluíu o director xeral da OMS.

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

Arranca un ensaio clínico para avaliar a vacina combinada fronte á gripe e a covid en maiores de 65

O proxecto chámase Combogal e agárdase que participen nel 110.000 persoas entre a campaña que xa está en marcha e a da tempada 2027 - 2028

Sanidade rexistra un aumento na incidencia da gripe e a covid

As taxas de dispensación de antigripais e probas de antíxenos aumentaron un 24,5 % e un 88,9 %, respectivamente, en comparación coa semana anterior

A galega Zendal completa a vacinación de máis de 7.000 bebés no ensaio da súa vacina contra a tuberculose

O proxecto internacional avaliará se MTBVAC protexe mellor fronte á enfermidade en comparanción con BCG, a única aprobada actualmente para vacinar os recentemente nados

Unha vacina contra o melanoma? Que hai realmente detrás do anuncio de Merck e Moderna

Aínda non se coñecen os resultados completos da fase III do ensaio no que participaron máis de 1.000 persoas. Por Cristina Penas Lago