O XIII Encontro da Rede de Unidades de Xestión da Investigación das universidades españolas (Rede UGI) terá lugar por primeira vez na Universidade compostelá dende este mércores 6 ata o venres 8. O encontro anual contará coa participación do reitor da USC, Antonio López.
As xornadas teñen como obxectivo reunir a profesionais e xestores das universidades españolas, así como expertos nas distintas áreas temáticas. Esta edición tratará temas como os custos indirectos da investigación nas universidades e a aplicación da Lei de Contratos do Sector Público.
As xornadas contarán con catro sesións, nas que se tratarán temas como os custes da investigación nas universidades, as experiencias novidosas na xestión da investigación, a LCSP no ámbito da investigación nas universidades públicas e os modelos de financiación autonómica de I+D. Ademais, o programa inclúe contidos relacionados cos indicadores I+D na Universidade en España, os avances do Proxecto Hércules e información sobre a Axencia Estatal de Investigación.
