A Universidade de Santiago de Compostela segue dando conta dos bos resultados dos seus egresados nos exames de acceso á Formación Sanitaria Especializada. Despois do nº1 do MIR, José Manuel Busto Leis, e os dous titulados en Farmacia entre os 10 primeiros do FIR, a USC tivo tamén uns moi bos resultados nas probas de Psicólogo/a Interno/a Residente. Diana Cabañas Rivera, graduada en Psicoloxía e Mestrado en Psicoloxía Xeral Sanitaria pola USC, que quedou en 6ª posición; Sandra Golpe Ferreiro, licenciada en Psicoloxía, na 8ª; e Alba Burgos Mirón, 10ª na lista, mestrado en Psicoloxía Xeral Sanitaria.
Uns resultados que sitúan de novo á Facultade compostelá á cabeza dos centros universitarios desta disciplina en España. Tamén destaca deste xeito a de Farmacia, con Manuel Busto Iglesias, de Cambados (4º) e Alejandro Martínez Pradeda, de Poio, (8º) foron os dous egresados da Facultade de Farmacia
Ás probas PIR presentáronse arredor de 3.000 persoas procedentes de preto de 40 facultades da disciplina que existen en España.
