Solucións contra os pesticidas en viñedos e oliveirais a través da innovación

O proxecto europeo NOVATERRA organiza un evento de divulgación en Santiago de Compostela o próximo xoves 26 de outubro

O proxecto europeo H2020 NOVATERRA celebrará unha xornada o vindeiro xoves 26 de outubro ás 10.00h en Santiago de Compostela, na sede de FEUGA no Campus Vida, que ten por obxectivo presentar o consorcio, avances e primeiros resultados ata o momento á comunidade científica e a profesionais do sector. Así, representantes das entidades participantes darán contexto dos traballos que están a realizar para reducir o uso e o impacto dos pesticidas no viñedo e o oliveiral na zona que baña o Mediterráneo a través de novas tecnoloxías. Así mesmo, expoñerán os factores que determinan a adopción de solucións ambientalmente sostibles a nivel de explotación. O proxecto busca a creación dun enfoque 360º para garantir a seguridade alimentaria, así como o acceso a unha alimentación sa para unha poboación crecente, seguindo as directivas e prioridades da Unión Europea (UE) en materia de uso sostible de pesticidas.

O evento, organizado por FEUGA, forma parte das actividades de divulgación de NOVATERRA. Os asistentes poderán achegarse, a través dunha serie de casos de estudo, a novas estratexias sostibles e integradas, viables técnica e economicamente para distintos sistemas de cultivo, que teñen como finalidade eliminar ou reducir significativamente o uso e o impacto negativo das pesticidas máis prexudiciais. A cita, que se celebrará de forma presencial e emitirase tamén en streaming, contará coa participación de representantes de diversas entidades españolas que integran o consorcio: O Instituto de Investigación e Tecnoloxía Agroalimentarias (IRTA), o Centro de Investigación en Economía e Desenvolvemento Agroalimentario (CREDA), a Universidade de Burgos, a Plataforma Tecnolóxica do Viño (PTV), a adega Terras Gauda e a Universidade Politécnica de Cataluña (UPC).

Publicidade

NOVATERRA persegue a redución do impacto negativo dos pesticidas para a xestión integrada de pragas en oliveirais e viñedos. Coordinado por IRTA conta con consorcio de 23 entidades de 6 países: Grecia, Italia, España, Portugal e Bélxica. Iniciado en outubro de 2020, o proxecto que ten unha duración de catro anos recibiu un cofinanciamento do programa H2020 con preto de cinco millóns de euros.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un proxecto europeo avanza na xestión de pragas para unha viticultura máis sostible

Novaterra celebra o 9 de maio un evento no Rosal para analizar os desafíos clave na protección do viñedo

Pesticidas e párkinson: unha conexión fóra de toda dúbida

Diferentes estudos realizados demostran que ata dez insecticidas, funxicidas e herbicidas producen danos neuronais asociados a esta doenza.

Máis dunha ducia de proxectos participaron en Santiago na feira de viticultura de precisión

VINIoT promove un servizo monotorización do viñedo baseado en rede de sensores intelixentes para a transformación dixital de PEMES

A pegada do abuso dos praguicidas permanece décadas no solo

A pesar dos seus beneficios para a agricultura, moitos pesticidas demostraron ser prexudiciais para o medio ambiente e a saúde