Venres 29 Marzo 2024

Que montes ves dende a túa casa? Unha aplicación cóntacho cunha panorámica

O simulador online permite obter os nomes e ubicación das montañas do horizonte dende calquera punto do planeta

Ás veces pode resultar difícil identificar cales son as montañas que están vendo os teus ollos, especialmente as que están máis lonxe. Os mapas online poden facilitar esta tarefa, con todo, unha nova ferramenta virtual permite coñecer con exactitude os montes nunha visión 360. Chámase udeuschle.de e a través dun mapa podes elixir unha ubicación dende a que queiras descubrir o arredor, simplemente tes que mover o rato e escoller a amplitude da panorámica que desexas obter. O deseño aporta especificacións do campo de visión, así como dos puntos cardinais e das altitudes.

A panorámica aporta unha visión de ata 90 quilómetros. Por exemplo, dende Serra do Cando a aplicación proporciona ata sesenta nomes das montañas que se ven no horizonte. No programa podes realizar múltiples escollas: dende a latitude e a lonxitude, a altura da cámara dende a que se realiza a imaxe, a dirección da vista, a inclinación da mirada e incluso a opción “Atopa o pico automaticamente”. Despois de marcar os parámetros pertinentes, a aplicación envía ao teu correo o deseño.

Publicidade

Panorámica dende Monte Faro, en Lugo.

Este simulador é unha ferramenta moi utilizada polos fotógrafos. O seu creador é Ulrich Deuschle, que é un bioquímico aficionado ás montañas e á informática. En primeira instancia, o programa realiza unha previsualización da panorámica. Poderás modificar o campo de visión e os parámetros se é necesario. Unha vez obtido o deseño, podes acudir en persoa á ubicación que introduciches para conseguir a información do arredor. Desta maneira, non haberá lugar a equivocacións á hora de recoñecer as montañas ata onde chega a túa vista.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Así varía a posición do Sol ao longo dun ano

As fotografías de David Couce permiten observar como o astro muda o lugar polo que se oculta en función do mes no que observemos o atardecer

Seis imaxes que cambiaron a historia da ciencia

https://theconversation.com/javascripts/lib/content_tracker_hook.js *Un artigo de O ser humano empregou primeiro o debuxo e...

As históricas fotos de Vigo de Rainiero Fernández, o cazador de imaxes

O Museo do Mar de Vigo propón un achegamento á obra do fotógrafo vigués desde unha óptica actual coa exposición “Rainiero Fernández. O Arquivo”

As condicións meteorolóxicas favorecen a observación do raio verde dende Poio

Unha afeccionada á fotografía captura este fenómeno óptico, que ás veces se pode ver despois do solpor e antes da saída da Lúa