Venres 1 Marzo 2024

A RAGC organiza en Lugo un ciclo sobre incendios forestais

A Real Academia Galega de Ciencias, no marco dun convenio coa Deputación de Lugo, organiza para o mes de novembro un ciclo de conferencias baixo o título “Incendios forestais e recuperación de terreos queimados en Galicia”, que terá lugar na capital lucense. O ciclo está dedicado á memoria de Luis Asorey García, prestixioso médico que desenvolveu a súa actividade durante moitos anos en Lugo, e que foi académico, secretario e vicepresidente da RAGC.

Entre os días 19 e 28 de novembro, varios expertos do eido abordarán desde diversas perspecgtivas este problema. Os alumnos inscritos no curso que xustifiquen a súa asistencia recibirán un diploma acreditativo. As sesións terán lugar no salón de actos da Deputación, agás o día 20, cando terá lugar na Escola Politécnica Superior de Enxeñaría.

Publicidade

Programa (todas serán ás 19.30 horas)

19 de novembro: Tomás Fernández Couto, director xeral de Ordenación Forestal da Xunta: “Os incendios forestais en Galicia”.

20 de novembro: Ana Daría Ruíz González, profesora de Enxeñaría Agroforestal da USC: “O combustible vexetal e os incendios forestais”.

21 de novembro: Álvaro García Ortiz, fiscal.

22 de novembro: Alberto Martí Ezpeleta, profesor de Xeografía da USC. “Cambio climático e incendios forestais”.

26 de novembro: José Antonio Vega, exdirector do Centro de Investigacións Forestais de Lourizán. “Recuperación de terreos queimados”.

27 de novembro: Elvira Díaz Vizcaíno, profesora de Botánica da USC. “Efectos ecolóxicos dos incendios forestais”.

28 de novembro: Antonio Rigueiro Rodríguez, catedrático de Produción Vexetal da USC e académico da RAGC. “Sistemas silvopastorais como técnica de prevención de incendios”.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

As cinzas dos lumes de 2017 poden causar alteracións no plancto costeiro da Vigo

O estudo realizado por investigadores do CIM da Universidade de Vigo centra a súa investigación na escorredura posterior ás queimas

Así devastan os incendios a paisaxe: un estudo revela o seu efecto nos ecosistemas galegos

A tese de Sheila F. Riveiro demostra que o lume favorece as especies exóticas invasoras e despraza as nativas nos montes de Galicia e Portugal

A divulgación científica espállase polos campus da UVigo con máis de 15 actividades

O programa 'Ciencia de ida e volta', de carácter eminentemente experiencial, inclúe concursos, obradoiros e unha feira científica

Un Google Earth en tempo real: así é o software galego para actuar ante as emerxencias

A empresa Beagle Technologies usa a tecnoloxía 3D para crear cartografías do terreo o máis completas posible e facilitar a toma de decisións