Martes 5 Marzo 2024

A investigadora do CiQUS Beatriz Pelaz, premiada pola Real Sociedade Española de Química

A científica foi galardoada na categoría Premio Xoven Investigador, na modalidade Líder de Grupo

Beatriz Pelaz, investigadora principal do Centro Singular en Investigación en Química Biolóxica e Materiais Moleculares (CiQUS) da Universidade de Santiago de Compostela, ven de ser galardoada co premio da Real Sociedade Española de Química (RESQ) na categoría de Premio Xoven Investigador. “Agradezo á RSEQ este recoñecemento e felicito ao resto de premiados. Encantaríame compartir este premio cos meus mentores e os membros actuais e pasados do grupo BioNanoTools”, declara a recén galardoada.

Promovidos pola veterana sociedade científica dedicada á divulgación e ao desenvolvemento da Química, os diferentes galardóns clasifícanse en cinco categorías de premios, un recoñecemento e unha medalla. Pelaz foi recoñecida coa mención Nova Investigador e na modalidade de Líder de Grupo. A organización, que destacou o altísimo nivel das candidaturas deste ano 2022, entregará as distincións nun acto cuxa data de celebración aínda está por determinar.

Publicidade

Programa Humboldt

A premiada licenciouse en Química pola Universidade de Valladolid en 2005 e en Bioquímica pola Universidade de Zaragoza no 2011. Un ano despois, obtivo seu título de doutorado coa mención europea pola Universidade de Zaragoza. En xuño do 2012, a finais de 2016, Pelaz foi membro do grupo do Profesor Wolfgang J. Parak na Philipps-Universität Marburg, en Alemaña, primeiro como investigadora postdoctoral e despois como investigadora do programa HumboldtDende xaneiro de 2017, colidera o grupo BionanoTools no CiQUS da USC, primeiro como investigadora principal de un proxecto para xóvenes investigadores (JIN, MINECO), e dende 2019 como investigadora Ramón y Cajal. A súa investigación céntrase no desenrolo de materiais intelixentes controlables remotamente e no estudo da súa interacción con entidades biolóxicas.

Pelaz lidera o proxecto Spacing financiado con 1,5 millóns de euros polo selectivo programa Starting Grant do Consello Europeo de Investigación (European Research Council ERC)no que tratan de desenrolar unha nova tecnoloxía baseada no ADN que permita a modificación da superficie de nanomateriais, en particular nanopartículas.

Beatriz Pelaz: “Queremos construír nanoimpresoras de ADN”

No 2020 tamén foi seleccionada para participar no proxecto europeo SWIMMOT, liderando o equipo español dende BioNanoTools no CiQUS, o cal traballaba xunto con Austria e Francia nun consorcio que ten como obxectivo final a detección temperá e o tratamento de enfermidades a través de bioimaxe de contraste.

Na procura de novos materiais intelixentes

A premiada Beatriz Pelaz, xunto ao tamén investigador principal Pablo del Pino, lideran Bionanotools, un grupo de investigación do CiQUS da USC. Trátase dun equipo de científicos de materiais con coñecementos complementarios en física, química, bioquímica, nanobiotecnoloxía e nanomedicina; e no que os principais intereses de investigación céntranse nos materiais nanoestructurados “intelixentes” para aplicacións en medicina e bioloxía. CiQUS, plataforma de talento.

Beatriz Pelaz non é a primeira galardoada do CiQUS co premio Novo Investigador da RSEQ. Dende o 2015 varios son os investigadores principais que tamén obtiveron este premio. En total son catro investigadores galardoados: Moisés Gulías, Martín Fañanás, Javier Montenegro e agora, Beatriz Pelaz.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

00:05:00

O amor, unha cuestión de química?

Substancias químicas como a dopamina espertan o desexo que podemos sentir por alguén, pero só uns vínculos profundos garanten unha relación duradeira

Gciencia: dez anos e moitos premios

O xornal da ciencia galega acadou na súa traxectoria os principais galardóns á divulgación, culturais e polo uso do galego

Estas son as substancias químicas que nos engordan e si, están por todas partes

Certos compostos dos envases, cosméticos, deterxentes ou dos propios alimentos poden ter un papel no aumento do sobrepeso e da obesidade na poboación

GCiencia recibe o Premio Peña Novo polo seu “traballo arreo a prol da cultura e lingua do país”

A fundación que impulsou os galardóns hai 28 anos louva o portal “por contribuír decisivamente a poñer en valor o galego” a través do xornalismo