A primavera chega ao seu remate deixando en Galicia un tempo propio de meses atrás. Porque, tras varios días baixo a influencia do anticiclón das Azores, chega dende Islandia unha borrasca que vai deixar o país baixo fortes choivas e vento, cun panorama máis propio do final do inverno aínda que con temperaturas mornas.
A masa de aire frío chega coas baixas presións case formando unha cicloxénese explosiva que vai situarse sobre o Cantábrico e na Bretaña, para desprazarse sobre Galicia deixando ventos do noroeste e varrendo o país de Oeste a Leste.
Bos días! Ata cando manteremos o anticiclón en #Galicia?
Como vemos nos mapas do modelo de chuvia acumulada diaria, a partir do xoves chegan chuvias a toda a Comunidade.
A causa? Unha borrasca situarase no Cantábrico achegando moita inestabilidade atmosférica. pic.twitter.com/JDOyVxrSyw— MeteoGalicia (@MeteoGalicia) June 9, 2020
Os modelos atmosféricos indican que o xoves chegarán as choivas a Galicia de xeito xeralizado, acompañadas dunha baixa significativa das temperaturas. O venres, a xornada será aínda máis complicada polas fortes precipitacións. E a situación continuará ata mediados da vindeira semana, cando o anticiclón comezará a recuperar terreo para paseniñamente devolvernos a unha situación máis propia do mes de xuño e da inminente chegada do verán.
E que son estes mapas tan azuis🤔?
As anomalías das mínimas e máximas para hoxe.
A temperatura por debaixo das expectativas para esta época do ano exténdese a toda a península Ibérica. Aínda que os valores se recuperarán algo o martes e o mércores, volverán a descender o xoves. pic.twitter.com/e6HgiCP8OM— MeteoGalicia (@MeteoGalicia) June 8, 2020
Despois dunha tempada de sol e calor, con temperaturas anómalas mesmo para esta época, cunha media de tres graos por riba do habitual, volve a choiva a Galicia e chega dende Islandia con esta borrasca.
Grazas por avisar. Unha aperta.
Instructivo e interesante artigo. Gracias Roberto