Mércores 21 Febreiro 2024

Terremoto de magnitude 3,4 en Laza, o décimo en 48 horas

O tremor foi seguido de novos terremotos nunha zona tradicionalmente de intensa actividade sísmica en Galicia

Un terremoto de magnitude 3,4 foi rexistrado na noite deste venres con epicentro no concello de Laza, en Ourense. Trátase dun dos sismos máis intensos no último ano en Galicia e a proba dunha intensa actividade sismolóxica nesta zona, onde nas últimas 48 horas o Instituto Xeográfico Nacional detectou ata dez terremotos. O maior deles, rexistrado ás 23.27 horas do venres, chegou a sentirse en localidades próximas como Verín, e mesmo en Chaves, xa en Portugal. En total, hai testemuños de que o sismo foi sentido en ata en 13 municipios distintos, entre eles a cidade de Ourense, Cualedro, Monterrei, Chandrexa da Queixa ou A Teixeira.

O enxame sísmico en Laza das últimas horas. Fonte: Instituto Xeográfico Nacional.

Tras o primeiro sismo de 3,4 de magnitude houbo outros menores: un de 2,3 rexistrado ás 23.30 horas, un de magnitude 1,7 (23.41 horas), un tremor de 1,9 ás 23.44 horas e outro movemento de magnitude 2,3 e a unha profundidade de 14 quilómetros rexistrado ás 00.41 horas. Horas máis tarde, entre as 2.15 e as 2.20 horas da madrugada, Laza foi o epicentro doutros catro sismos dunha magnitude en torno a dous. O primeiro tremor en Laza acontecera na madrugada deste xoves, ás 6,45 horas, cunha magnitude de 2.8.

Publicidade

Os terremotos máis grandes rexistrados en Galicia

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A falsa endemia de malaria e outros intentos para desecar a lagoa de Antela

A partir do século XVIII a zona húmida foi considerada inimiga da agricultura. Os veciños intentaron evitar o desaugamento das terras que utilizaban para o pastoreo

Podería ser España a próxima en sufrir un terremoto?

Na península podemos esperar sismos de magnitude entre 6,5 e 7 nas fallas asociadas ao mesmo proceso tectónico que o recente de Marrocos

Estes foron os terremotos máis intensos rexistrados en Galicia

O de Triacastela en 1997 foi o de maior magnitude, pero os que máis danos causaron foron os de Ferrol en 1910 e o de Pontevedra en 1920

Galicia superará os 40 graos durante a cuarta onda de calor da península

O sur de Pontevedra a Ourense serán as zonas máis afectadas durante un episodio de calor intenso que durará ata o xoves