Un terremoto de magnitude 3,3 alertou sobre as 2.05h da pasada madrugada a numerosas persoas no litoral coruñés. O epicentro localizouse no Oceáno Atlántico, ao bordo da plataforma continental e a uns 50 quilómetros ao norte da costa de Bergantiños. A pesar da distancia a terra firme, o Instituto Geográfico Nacional (IGN) recibiu decenas de avisos nas horas seguintes ao tremor desde as comarcas de Bergantiños, A Coruña e Ordes.
O tremor no Atlántico produciuse 10 días despois doutro sismo, de menor magnitude (3) pero que tivo o seu epicentro na comarca de Ordes, polo que se sentiu nunha importante área da provincia da Coruña e xerou centos de avisos á rede sismográfica do IGN.
Ordes e Bergantiños, dúas comarcas con actividade sísmica intermitente
