Os falecidos por coronavirus diarios en España crece de novo ata 567. Os novos contagios, 3.045, supoñen un 1,8% máis respecto a onte, a cifra máis baixa desde o comezo da crise sanitaria. Segundo Sanidade, o balance é de 18.056 falecidos, 172.541 contaxios e 67.504 recuperados
A pandemia de coronavirus afectou xa a máis de 1,9 millóns de persoas no mundo, das cales preto de 120.000 faleceron, segundo a Universidade Johns Hopkins. Estados Unidos, con 582.000 contaxios e case 24.000 mortos, é o país do mundo máis afectado pola enfermidade. España conserva a segunda posición por número de contagios, seguida por Italia, que contabiliza 159.516 persoas contaxiadas e 20.465 vítimas mortais por Covid-19.
Alemaña volve rexistrar hoxe un descenso de contagios, cun incremento menor do 2%. O instituto Robert Koch amosouse este martes cauteloso e lembrou que os días de festa, nos que se reduce o número de test poden distorsionar as cifras da evolución da propagación. En total, hai 125.098 positivos, e 2.082 casos máis nas últimas 24 horas. Máis da metade de infectados con coronavirus en Alemaña -68.200- xa están curados. O total de mortos ascende a 2.969, o que supón 170 máis que o día anterior e que representa unha taxa de mortalidade do 2,4%,
A India estende o confinamento para frear o coronavirus ata o 3 de maio. Os 1.300 millóns de habitantes do país continuarán confinados ata o 3 de maio para frear o coronavirus, anunciou este martes o primeiro ministro, Narendra Modi, mentres o país superou os 10.000 casos de Covid-19 e alcanzou as 339 mortes.
China sufriu unha das maiores subas diarias de Covid-19 dos últimos días. Segundo cifras oficiais, onte detectáronse 143 novos casos, 86 deles (60%) importados. Unha maioría destes últimos responden a traballadores chineses que regresan desde Rusia.
México acumula ata este luns 5.014 casos confirmados e 332 mortes, segundo o último parte das autoridades. Xa se rompeu a barreira dos 5.000 diagnósticos positivos e das 300 mortes. As autoridades mexicanas sinalan que 84 defuncións aínda están pendentes de diagnóstico de coronavirus.
Aquí podes consultar os últimos datos do Ministerio de Sanidade
