O coronavirus suma outras 13 mortes á súa lista de vítimas mortais en Galicia. Segundo comunicou en Sergas, nas últimas horas, faleceron cinco mulleres e catro homes nos centros hospitalarios da comunidade e outras catro persoas nas residencias de maiores. A cifra total de mortos que padecían Covid-19 sitúanse en 318.
Das catro persoas que morreron onte en centros residenciais, un estaba en DomusVi San Lázaro (Santiago de Compostela), outro na residencia A nosa Señora de Fátima (O Barco de Valdeorras, Ourense), outro na residencia A nosa Señora da Esperanza (Ourense) e un máis na residencia DomusVi Cangas. O número de casos de coronavirus detectados en centros residenciais de servizos sociais en Galicia representa o 3,5% do número total de residentes.
A Consellería de Sanidade informou hoxe de que, na última actualización, o número de casos de coronavirus en Galicia ascende a 5.631, deles 1.151 son da área da Coruña, 571 da de Lugo, 1.082 da de Ourense, 469 da de Pontevedra, 1.074 da área de Vigo, 963 da de Santiago, e 321 da de Ferrol.
Do total de pacientes positivos, 149 permanecen en UCI, 766 están en unidades de hospitalización e 4.716 no domicilio. Polo de agora, en Galicia rexistráronse 997 altas de pacientes e 318 falecementos. O número de PCR realizadas é de 39.432.
A Consellería de Sanidade reitera que a cidadanía empregue o número 061 só para emerxencias ou casos graves e aconsella utilizar o número gratuíto do 900 400 116 para consultar dúbidas ou síntomas leves de coronavirus.
