O comité clínico que asesora á Xunta de Galicia acordou este xoves que, a partir da medianoite do sábado 8 ao domingo 9, levantarse o confinamento nocturno en case toda Galicia. Agás os concellos en nivel máximo (Cambados, Cualedro, Laza, Vilanova de Arousa e Padrón), estará permitida a libre circulación as 24 horas. Tamén se levanta o peche perimetral da comunidade e amplíanse os horarios na hostalaría.
14.59
Vacinación: Avanzouse na inxección con AstraZeneca no grupo de 60 a 65 anos e con Pfizer-BioNTech ao grupo 65-69. Está previsto comezar canto antes co grupo de persoas menores de 60 anos.
14.42
Residencias: os maiores poderán pasar días coas súas familias, durante un mínimo de cinco días. Á volta realizarase unha PCR ou proba de antíxenos. Permítese un máximo de cinco saídas por semana de ata 4 horas cada unha. Permitirase tamén o contacto físico entre familias e persoas usuarias.
14.40
Nivel máximo: Cambados, Cualedro, Laza, Vilanova de Arousa e Padrón. Mantense o confinamento nocturno, hostalaría pechada e peche perimetral, ademais da prohibición de reunión das persoas non conviventes.
Nivel alto: A Merca, Pastoriza, Marín, Gondomar, Salceda de Caselas, Mesía, Ribeira, Coristanco e A Laracha. Permítese a mobilidade, sen confinamento nocturno, e rexerán outras limitacións vixentes ata agora neste nivel. Isto é: hostalaría só aberta no exterior ao 50% e limitación de reunión a 4 persoas en interiores e 6 en exteriores.
Nivel medio: Carballeda de Valdeorras, Verea, Muíños, Verín, Xinzo de Limia, Allariz, Toén, Chantada, Meira, Cerdedo-Cotobade, Vilagarcía de Arousa, Soutomaior, Fornelos de Montes, Cangas, O Porriño, Tomiño, Tui, Vigo, Nigrán, Lalín, Silleda, Ames, Noia, Melide, Ordes, Carballo, Betanzos e Cambre. hostalaría aberta ao 30% no interior e exterior ao 50% e limitación de reunión a 4 persoas en interiores e 6 en exteriores.
Nivel medio-baixo: o resto de municipios (271 concellos). As medidas son semellantes ás actuais, agás no levantamento do confinamento nocturno: a hostalaría abrirá ao 50% no interior e 75% no exterior e as reunións restrínxense a 4 persoas en interiores e 6 en exteriores.
14.31
Prohibición de reunións con persoas non conviventes en domicilios entre a 1 e as 6 da madrugada, de contar coa aval xudicial.
14.30
Hostalaría: bares e cafeterías ata as 23 horas; restaurantes ata a 1 da madrugada. Neste caso deben reservarse con cita previa, con rexistro de clientes.
14.28
O confinamento nocturno levantarase na medianoite do sábado ao domingo.
14.27
O comité clínico propón que se manteña o peche perimetral nos concellos con incidencias máis elevadas e que se manteña neles o confinamento nocturno. A decisión queda pendente, advirte Feijoo, da autorización dos tribunais.
14.26
Feijoo anuncia o levantamento do peche perimetral en Galicia como consecuencia do levantamento do estado de alarma. Mantense o rexistro de viaxeiros, coa posibilidade de facer probas diagnósticas e amosar o certificado de vacinación. Continuarán os cribados nos aeroportos.
14.23
Os ingresados maiores de 80 anos, cunha ampla cobertura de vacinación, representan apenas un 6% das novas hospitalizacións.
14.22
Feijoo avanza que todas as persoas maiores de 60 anos terán polo menos unha dose da vacina a semana que vén.
14.20
“Ao longo desta semana esperamos ter dispensadas vacinas a máis de 245.000 persoas”.
14.19
“Estamos nunha nova fase, mellor da que había hai meses, que non pode conducirnos a un optimismo desaforado. Si nos debe conducir a unha fundada esperanza”. “Sería un erro pensar que na madrugada do sábado ao domingo a pandemia rematou”.
14.17
“A variante india é a que máis preocupa á comunidade científica. Semella que ten unha moi alta contaxiosidade”. “Hai unha incerteza sanitaria latente”.
14.15
Feijoo avanza que os bares poderán abrir ata as 23 horas e os restaurantes, ata a 1 da madrugada.
14.10
Alberto Núñez Feijoo: “O obxectivo é que os contaxios non interrompan a vida económica e social”.
14.05
Comeza a comparecencia do presidente da Xunta de Galicia.
13.55
Galicia, xunto a todo o territorio estatal, afronta os últimos días co estado de alarma decretado por mor da pandemia da Covid-19, en vigor desde outubro de 2020. O avance da campaña da vacinación e a estabilización da pandemia, que leva semanas por baixo dos 100 casos/100.000 habitantes na comunidade, levan á Xunta a establecer novas decisións para avanzar cara a chamada ‘nova normalidade’, ao tempo que se manteñen as medidas de prevención e protección co obxectivo de evitar repuntas na transmisión do SARS-CoV-2. O presidente da Xunta, Alberto Núñez Feijoo, comparece esta mañá para anunciar estas decisións.
