Están bastante lonxe, pero son o bastante potentes como para que esta fin de semana notemos a súa influencia. Os restos da borrasca Dennis, que ten en alertas ás illas británicas, afectarán a Galicia en forma de ondas de máis de cinco metros, vento no mar de dirección sur de forza 7 e refachos fortes no norte das provincias da Coruña e Lugo, de máis de 80 km/h, que levarán a activar o aviso amarelo nestas zonas.
Bo día! Vendo estas isóbaras tan xuntas xa nos podemos facer unha idea de que o vento e as ondas serán os protagonistas do tempo para esta fin de semana. Ademais a #StormDennis deixará avisos laranxas: https://t.co/6udagvHuHT
Hoxe venres pouco vento, algún orballo e mar tranquilo pic.twitter.com/jErbU04FrM— MeteoGalicia (@MeteoGalicia) February 14, 2020
Nesta ocasión, tanto con Inés, xa debilitada, como con Dennis, Galicia librouse do impacto directo destes temporais, xa que se atopaban máis ao norte. Estas dúas borrascas viñeron precedidas de Ciara, que tamén provocou incidencias en Francia e Irlanda.
O impacto da borrasca en Galicia será importante sobre todo nas primeiras horas do sábado no mar, aínda que os refachos de vento comezarán a intensificarse no mediodía do sábado e prolongaranse ata a medianoite.
Na xornada do domingo, a Axencia Estatal de Meteoroloxía estende o aviso amarelo a toda a provincia da Coruña desde a medianoite por refachos superiores a 90 km/h. A partir da madrugada, toda a provincia de Lugo quedará tamén en nivel amarelo e, desde as 9 ata as 18 horas, haberá risco de refachos fortes no interior de Pontevedra. Ademais, as chuvias, aínda que non acadarán volumes importantes, serán frecuentes sobre todo no norte e oeste de Galicia ata o domingo.
14/02 12:01 #AEMET #FMA nivel naranja por costeros para pasado mañana en Galicia . Imagen del mapa de avisos en vigor a las 12:01 . Para ver una tabla de avisos actualizada haga CLIC EN LA IMAGEN o visite https://t.co/5rmYvUEEpW https://t.co/WUUH6CFo0Y
— AEMET (@AEMET_Esp) February 14, 2020
