A cifra de mortos diarios con coronavirus subiu lixeiramente en España nas últimas 24 horas, aínda que é o segundo dia consecutivo en que se mantén por baixo dos 300 falecementos: hai 281 novas vítimas mortais, un aumento respecto ao dato do xoves, cando se rexistraron 268. Xa son 24.824 os falecidos, 215.216 os contaxiados diagnosticados mediante PCR e case 115.000 os recuperados desde o inicio da crise sanitaria.
A pandemia provocou máis de 233.000 decesos no mundo e máis de 3,2 millóns de infectados, pero tamén máis dun millón de curados, segundo a Universidade Johns Hopkins.
Na Arxentina suman xa 218 vítimas mortais. O número total de contaxios son 4.428, ata a noite deste xoves. Do total os casos, a maioría son contactos estreitos de casos confirmados (1.904 casos, un 43%), un 25,9% son de circulación comunitaria (1.149), o 20,7% (915) son importados e o resto atópase en investigación epidemiolóxica.
Hai máis de 1.000 falecidos por covid-19 en Perú, tras sumar o seu peor rexistro diario de mortes. O ministerio de Saúde informou de que nas últimas 24 horas faleceron 108 pacientes con covid-19, o peor rexistro diario de decesos por segundo día consecutivo desde que o 6 de marzo comezou a emerxencia sanitaria no país. En total, a cifra de falecidos sitúase en 1.051 persoas e a cifra acumulada de contaxiados ascendeu a 36.976 casos, tras detectar 3.045 novos na última xornada.
Os cambios desde Galicia volven alterar os datos da Covid-19 que difunde España
A cifra de falecidos por coronavirus en Francia ascende xa a 24.376, 289 máis que a véspera, segundo as autoridades sanitarias.
Italia continúa a súa tendencia descendente. O país rexistrou 285 falecidos nas últimas horas (323 este mércores) e 1.872 contaxiáronse no último día (2.086 onte). Faleceron 27.967 en total e contaxiáronse 205.463. Curáronse xa 75.945 persoas (4.693 nas últimas 24 horas).
Aquí podes consultar os últimos datos do Ministerio de Sanidade
