Novo directo do programa de celebración do 8M, hoxe as 19,00 horas coa enxeñeira química e especialista en Intelixencia Artificial Amparo Alonso, Premio MarÍa Wonenburger 2019. Alonso foi a primeira española becada no programa internacional L’Oréal UNESCO For Women in Science. Forma parte do Comité de Sabias da Cátedra de Feminismos 4.0 da UVigo.
Alonso conversa coa xornalista Laura Filloy no terceiro encontro do ciclo Ciencia en Feminino, que desenvolve GCiencia en colaboración coa Deputación Provincial de Pontevedra. O programa péchase o xoves próximo, día 24, coa mesa redonda Teitos de cristal na investigación, una reflexión sobre o papel das mulleres en postos claves da investigación e súa escasa presenza ao fronte de grupos de investigación. As invitadas analizarán as razóns que as levan a quedarse no camiño da carreira profesional ou da inexistencia de precedentes como reitoras das universidades galegas.
Participarán Concepción Sánchez Fernández, directora do Instituto de Investigacións Agrobiolóxicas de Galicia; María Luz Loureiro García, catedrática de Economía da USC; Lucía Maneiro, CEO da spin-off galega Psico VR, e Carmela Silva, presidenta da Deputación. Presenta a xornalista Begoña Márquez.
