Venres 19 Abril 2024

Dimite o director de Investigacións Mariñas: “A prioridade era a nova sede. Agora é momento de volver á investigación”

Francisco Saborido dá un paso atrás para centrarse na coordinación do Programa Ciencias Mariñas de Galicia

O que fora reelixido director do Instituto de Investigacións Mariñas (IIM) do CSIC o ano pasado, Franciso Saborido, dimite para retonar aos labores de investigación. O motivo principal polo que continuou máis aló de catro anos foi o encargo do proxecto de construción da nova sede do instituto, que ocupará as antigas instalacións da Escola de Transmisións e Electrónica da Armada (ETEA) en Tesis (Vigo). Agora, Saborido explica que o proxecto está “encamiñado” e elaborado por parte das empresas gañadoras do concurso. Considera entón que o obxectivo do seu mandato está cumprido e que é momento de “dar o relevo”.

Á vez que compaxinaba o seu cargo á fronte do IIM, Saborido é coordinador científico do Programa de Ciencias Mariñas de Galicia, financiado polo Ministerio de Ciencia, Innovación e Universidades e a Xunta de Galicia, con fondos europeos NextGeneration e FEMPA. “É un proxecto moi importante que precisa da miña atención”, explica.

Publicidade

“Teño un grupo de investigación de 20 persoas, o programa involucra a toda Galicia, con máis de 80 grupos de investigación e máis de 230 investigadores“, sostén. Destes cinco anos, quédase co “gran apoio” por parte dos seus compañeiros, que conseguiron un “cambio estrutural de innovación e visión” para encamiñar a nova sede. Agardan que isto último lles axude a traballar “moito mellor, máis competitivamente”.

No CSIC os cargos de dirección duran catro anos. A partir de aí pódense renovar por outro período igual de tempo, pero non máis. O instituto é o que elixe o director e no proceso pódense presentar candidaturas que, de maneira habitual, adoitan ser de persoas do instituto. No proceso preséntase un proxecto que se discute no claustro e despois vótase e elévase á presidencia. É un proceso que dura un mes, aproximadamente.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Descobren características do VIH compatibles coa súa curación

Científicos de Sevilla estudaron a persoas cuxo organismo é capaz de dominar o virus sen necesidade de tomar un tratamento antirretroviral

O CSIC acha unha combinación de fármacos eficaz fronte ao SARS-CoV-2

A unión de ribavirina e remdesivir consegue eliminar de forma rápida o virus ao inducir un exceso de mutacións no seu xenoma que lle impiden multiplicarse con eficacia

Máis do 90% das crías de pardela cincenta teñen plásticos no estómago

Un estudo en exemplares xuvenís de Canarias e Azores apunta a esta especie como un biomarcador de refugallos flotantes no Atlántico norte

Un hidroxel permite cultivar células neurais para reparar lesións medulares

O material desenvolvido polo CSIC combínase con campos magnéticos, un avance na busca de novas terapias