Os pecados da carne logo da sentenza da OMS

Un sobresalto no mundo científico e dende logo na mesa: un comunicado difundido pola Organización Mundial da Saúde clasificou a finais de outubro como canceríxenas as carnes procesadas e deixaba baixo sospeita as carnes vermellas. Dende aquela a polémica está servida, xa non só polas conclusións do informe, pendente aínda de conclusións finais, senón tamén polos problemas na divulgación dunha nova científica que afecta a cuestións tan sensibles como a cultura alimentaria. A sección de Ciencia, Natureza e Sociedade do Consello da Cultura Galega contribuirá tamén ao debate cunha xornada informativa coordinada por Ángel Carracedo e Rafael Tojo o vindeiro 23 de outubro que reunirá a xornalistas científicos como Antonio Ron ou profesores de Medicina como Alberte Ruano. Baixo o nome Os pecados da carne? Vantaxes e problemas da dieta cárnica, a xornada pretende axudar a dixerir as consecuencias e límites do mediático veredicto.
Máis información no seguinte enlace: