Con motivo do Día Mundial dos Océanos, celebrado cada 8 de xuño, charlamos con Ricardo Beiras, investigador no proxecto LabPlas. Esta é unha iniciativa coordinada pola Universidade de Vigo (UVigo) que conta con 16 socios de oito países. O seu principal obxectivo é rastrexar as fontes das que provén o plástico que se atopa no medio ambiente, fundamentalmente en mares, océanos e ríos.
Por outra banda, Beiras pertence ao grupo EcoTox, onde tamén se centran en analizar as substancias químicas que forman os plásticos e sobre as que o propio investigador admite que hai unha escasa regulación.
Ciencia de Ida e Volta é un podcast en colaboración coa Unidade de Cultura Científica da UVigo (UCC+I) que conta co apoio da da Fundación Española para la Ciencia y la Tecnología, do Ministerio de Ciencia e Innovación.
