Venres 23 Febreiro 2024

AstroTrevinca reúne a amantes do ceo no mellor firmamento do país

O Concello da Veiga, onde se ergue Pena Trevinca, o punto máis alto de Galicia, acolle na fin de semana dos días 14, 15 e 16 de setembro a quinta edición de AstroTrevinca, un encontro para os amantes da astronomía e a fotografía nocturna no que é, para moitos, o mellor ceo de Galicia debido á ausencia de contaminación luminosa e á altitude, por riba de onde se adoita concentrar a polución no aire. A Veiga é, xunto ás Illas Atlánticas, un dos dous destinos Starlight (lugares caracterizados pola limpeza dos ceos) que hai en Galicia.


AstroTrevinca, coordinada polo astrofotógrafo Óscar Blanco e impulsada polo concello da Veiga, xa ten aberta a súa inscrición (que se pode formalizar nesta ligazón). Por un prezo de 35 euros, os participantes poderán acceder a un amplo programa de actividades, como observacións, conferencias e rutas:

Venres 14

20 horas: no Edificio do Toural. Presentación de AstroTrevinca.

22 horas: observación astronómica na Tablilla

Sábado 15

Edificio do Toural.

11 horas: conferencia sobre arqueoastronomía, impartida por Pablo Martínez Alemparte.

11.55 horas: “Astrotimelapses, fotóns en movemento”, por Alfredo Madrigal.

12.50 horas: descanso.

13.15: “Astronomía para influencers”, por Marta Fernández Escobar.

14.10 horas: Pausa para comida.

16.30 horas: “Ligar con Astronomía”, por Borja Tosar.

17.25 horas: “La astronomía de Julio Verne”, por Óscar Blanco.

18.20 horas: descanso.

18.30 horas: “Fotografía nocturna e astropaisaxe”, por Fernando Cabrerizo.

19.25 horas: Fin das charlas.

22 horas: observación astronómica na Tablilla

Domingo 16:

11 horas: Nocións sobre astrofotografía, por Óscar Blanco.

12 horas: Visita ao lugar onde estará o futuro observatorio astronómico de Trevinca e exposición do proxecto (acceso final a pé durante un quilómetro).

16 horas: paseo en catamarán polo encoro de Prada ou visita a Cántara da Moura.

18 horas: fin das xornadas.

Os interesados en participar poderán anotarse a través do número de teléfono 988 35 01 30 ou do correo electrónico trevincastarlight@gmail.com.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A Lúa non ten ceo

https://theconversation.com/javascripts/lib/content_tracker_hook.js *Un artigo de “E se estivésemos equivocados? E se a Terra...

LIA (2), pioneiros galegos no desenvolvemento da intelixencia artificial na astronomía

O grupo da UDC recibiu o Premio Spin-Off PuntoGal na edición 2023 pola súa traxectoria de éxito

Un novo exoplaneta desafía as teorías clásicas de formación planetaria

Un equipo de astronónomos descobre LHS 3154b, cunha masa similar a Neptuno, orbitando preto dunha estrela anana de moi baixa masa

Descubertos seis exoplanetas que ‘bailan’ de forma sincronizada arredor da súa estrela

Os planetas posúen unha configuración que apenas cambiou desde hai máis de mil millóns de anos