O Grupo de Estudios para a Prehistoria do Noroeste Ibérico-Arqueoloxía, Antigüidade e Territorio (GEPN-AAT), pertencente á Facultade de Xeografía e Historia da USC, celebrará nas vindeiras semanas novas sesións do ciclo de conferencias Arch-Bot, iniciado en setembro do pasado ano, que contan con especialistas nacionais e internacionais de recoñecido prestixio.
A primeira das sesións terá lugar o vindeiro 23 de febreiro, coa charla “A exploração de recursos biológicos e as grandes dinâmicas ambientais e humanas dos últimos 10.00 anos. Reflexões a partir dos dados do Nordeste de Portugal”, a cargo de João P. Tereso. As conferencias continuarán os días 9, 23 e 30 de marzo e o 6 e o 20 de abril. Todas terán lugar na sala de profesores da Facultade de Xeografía e Historia ás 17 horas. A programación completa pode consultarse na páxina de Facebook do GEPN.
