Un forte tren de borrascas vai varrer Galicia nos vindeiros días, deixando choivas intensas, avisos no mar, ventos por riba dos 100 km/h e mesmo neve nalgunhas datas ata o Nadal.
A primeira entrega desta sucesión de baixas presións chegou este xoves con choivas de gran intensidade, que superaron os 70 litros por metro cadrado en moitas localidades, co interior da provincia de Pontevedra como gran protagonista. En Cotobade, recolléronse 112 litros por metro cadrado. Os ventos sopraron tamén con forza, alcanzando os 113 km/h en Viveiro.
A chuvia comeza a remitir aínda que pola noite e na xornada de mañá continuará, pero xa de xeito máis feble. A cantidade acumulada hoxe chegou a superar os 100 l/m2 no interior de Pontevedra. Na secuencia cada 30 min podemos ver a súa persistencia ao longo do día. pic.twitter.com/4zKNbSW6F3
— MeteoGalicia (@MeteoGalicia) December 12, 2019
Pero isto foi só o anticipo do que está por vir. Porque despois desta primeira situación de inestabilidade, que deixou avisos amarelos e laranxas no país, chega agora un tren de borrascas que traerá fortes choivas ao logo da semana ata o Nadal.
Vai seguir chovendo, aínda que con menos intensidade na xornada deste venres. Pero a vindeira borrasca xa chega esta fin de semana, na madrugada do sábado ao domingo, cargada de fortes precipitacións no litoral atlántico. O luns unha nove fronte varrerá o país, primeiro con choiva e vento intensos, pero para dar paso dende o martes a un intenso frío, que deixará sarabia en moitos punto de Galicia e tamén neve. As folerpas non só están previstas nas montañas de Lugo e Ourense, senón tamén no interior da provincia de Pontevedra.
As acumulacións de precipitación previstas para hoxe en Galicia polo modelo HRES-IFS do ECMWF son importantes; destacan as acumulacións no interior de Pontevedra e zonas montañosas das provincias da Coruña e Lugo 👇 pic.twitter.com/51q3e9Ty6w
— AEMET_Galicia (@AEMET_Galicia) December 12, 2019
O xoves 19 continuará a forte inestabilidade, desta volta coa chegada dunha nova fronte dende Norteamérica, que atravesará o Atlántico para deixar intensas choivas e vento.
Non está previsto que a situación mellore antes do Nadal, o cal deixa a Galicia baixo un tren de sucesivas borrascas nos vindeiros días.
Para este venres, hai aviso laranxa de Meteogalicia no mar por vento e ondadas, e aviso amarelo por vento na Mariña e na Montaña lucense.
Aquí podes consultar os avisos meteorolóxicos de Meteogalicia
