Únete á nosa canle de Whatsapp
Unha balea femia xuvenil apareceu morta na Illa de Arousa. Medía máis de catro metros de lonxitude e unha tonelada de peso. Foi trasladada nun difícil operativo ao porto do Cabodeiro, despois de ser vista varada no Carreirón. Os membros da Coordinadora para o Estudo dos Mamíferos Mariños (CEMMA) desprazáronse este xoves para realizar a necropsia e determinar así as causas da súa morte. As probas determinarán se é o mesmo exemplar que foi visto nadando cerca da Illa hai varios anos. Posteriormente, a Consellería de Medio Ambiente encargarase do traslado do animal para a súa incineración.
A cofradía e os mariñeiros da localidade colaboraron no traslado da criatura. É unha balea alibranca, unha especie común na costa galega que pode chegar aos sete metros e medio de lonxitude. O exemplar xa foi visto o 9 de maio por varios mariñeiros, que ficaron sorprendidos polo seu tamaño. A CEMMA achegárase ao lugar, mais despois de varias horas de busca, non deron con el. Decidiron que agardarían a que o animal quedase varado na costa e a partir de aí, acudir á zona para a súa retirada e iniciar os estudos pertinentes.
