Estes últimos oito anos foron os máis quentes dende que existen rexistros. As institucións metereolóxicas alertan das altas temperaturas que sufriremos e da falta de precipitacións nalgunhas comunidades. A seca é xa un dos temas principais nos medios de comunicación e algúns colectivos de España están a pedir plans de choque urxentes para afrontar os próximos meses de verán. Con todo, parece que Galicia está lonxe desta situación, cun tempo cambiante pero habitual para a primavera, coa influencia atlántica que aminora a calor. Non obstante, non se pode negar que en varias zonas de Galicia, especialmente do interior, xa se acadaron temperaturas que non son normais para a época e que evidencian as consecuencias do cambio climático.
Este novo episodio de Investigar na USC responde á pregunta que leva por título: Chegará a alerta por seca en Galicia? Para facer unha análise completa da cuestión, entrevistamos a Alberto Martí, profesor de xeografía na Universidade de Santiago (USC). Conversamos sobre as reservas de auga en Galicia, os plans das institucións, o tipo de consumo de auga por parte dos galegos, a conciencia ecolóxica, o fenómeno ‘El Niño’ e as previsións para os próximos meses.
Escoita Investigar na USC en: Spreaker, Spotify, Ivoox, iHeart, Google Podcasts, Deezer, Podcast Addict, JioSaavn e Podchaser.
Non se di “lexos “, é un castelanismo, unha mala traducción, dise “lonxe”.