As temperaturas ascenderán en Galicia durante a xornada do martes 21 de xullo, sobre todo en puntos do oeste da comunidade. Con todo, o tempo será cambiante, con claros, bochorno e risco de tormentas, segundo informa Meteogalicia dende o perfil da rede social X. A partir do venres, o chorro polar descenderá de latitude, o que provocará que as altas presións se despracen cara ao sur. Desta forma, segundo as últimas actualizacións dos modelos europeos, a situación favorecerá que unha DINA cruce a península ao longo da fin de semana, deixando un descenso térmico e tormentas localmente moi intensas, cunha distribución aínda sen precisar.
Un dos escenarios posibles é que a DINA, acompañada por unha masa de aire fría, avance polo norte peninsular empurrando a dorsal e provocando o descenso das temperaturas. Con todo, os modelos prevé unha suba dos valores dos termómetros de forma importante a semana que vén, segundo informa Meteored.
Días previos de calor
A pesar do descenso de temperaturas que se vivirá nos próximos días, a calor segue instalada en Galicia ata o venres. A Xunta meso activa durante o luns a alerta amarela por episodio de calor na área isoclimática de Valdeorras. Ourense acadará, e mesmo superará, os 35 graos.
Con todo, no resto do territorio as temperaturas serán elevadas, aínda que cunha alta probabilidade de chuvia nalgunhas zonas como Santiago de Compostela. Lugo pasará dos 29 graos o luns aos 32 graos do xoves.
As áreas máis litorais, como A Coruña, Ferrol e Vigo, contarán con temperaturas máis moderadas, con temperaturas en descenso ata o xoves, data límite que permite consultar Meteogalicia na súa previsión.
