A neve caída hoxe dende o hostal Campa da Braña, nos Ancares.

O aviso amarelo por neve chega a Ourense

Varias estacións de Galicia rexistraron valores baixo cero, co municipio ourensán da Veiga na mínima do país: -6 graos

O aviso amarelo por neve avanza dende a montaña de Lugo e afecta tamén á provincia de Ourense, con acumulacións de 2 centímetros na parte oriental da provincia e de 5 centímetros nas montañas ourensás.

Meteogalicia decretou hoxe estes novos avisos previstos para este xoves e a xornada do venres. Tamén hai aviso amarelo por vento e ondada no mar no litoral da Coruña e de Lugo, que se manterá tamén na xornada do sábado 6 de abril.

As primeiras nevaradas xa caeron na madrugada deste xoves na montaña lucense, especialmente na zona dos Ancares. Ademais, coa entrada desta masa de aire frío procedente de Groenlandia a primavera pecha dúas semanas de calor inusual, para entrar en temperaturas máis propias do inverno. No municipio da Veiga marcouse a mínima da xornada, co termómetro en 6 graos baixo cero. As mínimas por baixo do cero estiveron presentes tanto nas montañas de Lugo e Ourense como noutros puntos de Galicia.

Ademais, a primeira fronte da primavera é unha borrasca que deixa grandes precipitacións e fortes ventos. A situación de inestabilidade continuará o venres, tamén con temperaturas baixas.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.