Un dos arcos da praia de As Catedrais (Ribadeo) sufriu un novo desprendemento este luns. A caída produciuse no primeiro dos tres arcos situados de maneira consecutiva. O arco no que se ocasionou o desprendemento non produciu ningún dano persoal. O desprendemento é dun bloque de considerables dimensións, con seis metros de ancho por dez de alto.
A praia de Augas Santas (As Catedrais é u nome turístico) está declarada Monumento Natural, recoñecido polas espectaculares formas dos seus cantís e non é a primeira vez que sofre derrubamentos.
En agosto de 2019, en plena tempada turística, tamén se produciu a caída de varias pedras nun dos pasadizos de acceso ás covas sen que ningún dos visitantes sufrise por iso ningunha ferida.
Con todo, na Semana Santa de 2018 unha moza de 25 anos morreu polo impacto que sufriu tras a caída dunha rocha na cabeza cando se atopaba no interior dunha das covas. Este suceso ocasionou que a Xunta de Galicia reforzara a sinalización dos puntos máis “perigosos” do areal. E de feito, estableceuse un control de acceso.
Protección Civil de Ribadeo informou de que estes desprendementos son habituais, sobre todo cando se rexistran días de choiva e cambios de temperatura, polo que avisan de que non é seguro andar polos cantís.
Conviría saber se hai algunha posiblidde de evitar que os desprendementos dos arcos segan a producirse ?
Existe algún remedio ou reforzamento ?
Que se pode facer…?