Galicia rexistrou case 4.000 raios no segundo día máis treboento do outono

O aviso amarelo por choivas e ventos fortes continúa en varias zonas do país este xoves e o venres

Rexistro de raios de MeteoGalicia para o 26 de outubro
Rexistro de raios de MeteoGalicia para o 26 de outubro

Preto de 4.000 raios foron rexistrados polos sistemas de detección de MeteoGalicia dende as 14.00 horas deste mércores ata a madrugada do xoves. Moitos deles caídos no litoral galego e preto de 500 en terra firme. Confírmase así o segundo día de fortes treboadas deste outono que, malia chegar tarde, parece que chegou para quedar. Este forte temporal, producido por unha borrasca, tivo especial incidencia no norte da provincia de Pontevedra e en toda A Coruña. A franxa do Atlántico foi, en definitiva, a máis afectada pola treboada eléctrica que viu acompañada de precipitacións significativas cun máximo de 68,8 litros por metro cadrado caídos na localidade de Lira do municipio coruñés de Carnota, na Coruña. O vento non quedou atrás. Entre os concellos de Vimianzo e Cedeira, o vento alcanzou os 100 kilómetros por hora.

Este xoves, a situación será similar a vivida o mércores agás polos lóstregos. Unha fronte que está a atravesar Galicia vén deixando choivas en todo o país, sobre todo, na metade leste. Outra fronte situada no Atlántico ao leste de Galicia estáse a preparar para entrar ao final da tarde baixo a influencia das baixas presións e, novamente, ocasionará chuvias e ventos fortes.

Para este xoves e venres, os servizos meteorolóxicos galegos manteñen o aviso amarelo por choivas e ventos fortes en varias zonas de Galicia. O suroese e o leste da provincia da Coruña podería rexistrar choivas localmente moi fortes acumulando máis de 40 litros por metro cadrado en 12 horas. Na mesma provincia, agárdanse refachos de vento de de máis de 80 quilómetros por hora. Igualmente, tamén nas montañas lucense e ourensá, así como na Mariña. As Rías Baixas e a Costa da Morte rexistrarán ventos fortes no mar. Tamén este venres espéranse choivas fortes na provincia da Coruña e no litoral de Pontevedra e haberá alerta por ventos fortes no mar.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.