MeteoGalicia alertaba o pasado luns da inestabilidade xeralizada en Galicia con avisos de nivel amarelo por tormentas e chuvias na metade sur da comunidade. Este foi o motivo polo que a Rede de detección de raios do servizo meteorolóxico galego rexistrou un total de 965 en Galicia nas últimas 24 horas, a maioría rexistrados na tarde do martes 28 de abril.
A zona máis afectada foi o interior de Pontevedra, onde se concentra a maior cantidade de raios anteriores ás 5:00 horas da madrugada. Este mércores 29 as alertas por tormenta persisten, sobre todo no interior de Pontevedra, Ourense, e o sur e centro de Lugo, con treboadas localmente fortes. A partir do xoves, os avisos desaparecerán, segundo a previsión de MeteoGalicia.
As causantes son as dúas dinas que enmarcan a península, unha delas rozando a costa norte galega cun clima que se manterá ata o comezo de maio. Con todo, a inestabilidade farase evidente pola presenza dun anticiclón situado entre as illas británicas e Escandinavia, pois favorecerá o descenso do aire frío.
