2026 rexistrou o segundo mes de setembro máis cálido dende hai 65 anos

A temperatura media alcanzou os 20,4 graos, 2,4 por riba do habitual, mentres que a chuvia quedou un 52% por baixo da media histórica

Galicia rexistra un mes de setembro seco e moi cálido, cunha temperatura media de 20,4 graos, é dicir, 2,4 graos por riba do habitual nesta época do ano. De feito, foi o segundo máis caloroso na comunidade dende 1961 (ano de inicio da serie histórica), tan só superado polo de 2018. Así consta no último informe climatolóxico mensual de MeteoGalicia.

A conselleira de Medio Ambiente e Cambio Climático, Ángeles Vázquez, explicou que o comportamento do mes pasado estivo marcado no conxunto polas altas temperaturas, moi por riba do habitual nesta época do ano en comparación cos datos do período de referencia, e por varios episodios de calor que se sucederon ao longo das catro semanas. Ademais, engade que os episodios de calor deste verán na comunidade son cada vez máis frecuentes e que a temperatura media en Galicia aumenta a un ritmo aproximado de 0,2 graos por década.

Publicidade

A explicación estivo fundamentalmente no predominio das xornadas anticiclónicas e na entrada de masas de aire cálido procedentes do norte de África que deixaron temperaturas máximas moi elevadas a nivel local, como os 36,8 graos rexistrados en Santiago, os 36,6 en Lugo ou os 38,9 en Ourense durante os primeiros días do mes. Así, en xeral e no conxunto de Galicia, setembro foi seco. O informe constata que a precipitación media acumulada situouse arredor dos 37 litros por metro cadrado, un 52% menos do habitual en comparación coa serie histórica, e con chuvias concentradas, ademais, nas xornadas dos días 8, 29 e 30.

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

O mundo micolóxico do Val do Ulla: máis de 660 especies e achados de interese científico

Un proxecto impulsado por AMABUL en colaboración coa Deputación da Coruña identifica máis dunha decena de posibles primeiras citas para Galicia e unha para España

Un equipo da USC e da UVigo crea unha maqueta virtual interactiva para imaxinar o futuro de Galicia

O proxecto do CISPAC crea unha paisaxe alternativa vertebrada en catro eixos temáticos: a comunidade, o hábitat, a enerxía e a alimentación

A provincia da Coruña lidera as emisións galegas de gases de efecto invernadoiro cun 47,4% do total

Un informe do Observatorio Galego da Acción Climática revela o impacto das industrias enerxéticas fósiles no norte da comunidade

Un epistolario inédito revela a rede feminista entre Galicia e Cataluña de principios do século XX

As cartas autógrafas que Micaela Chao Maciñeira enviou en galego á pedagoga catalá Francesca Bonnemaison permiten recuperar unha figura clave do feminismo