Únete á nosa canle de Whatsapp
Hai unhas semanas, a formación do furacán Lorenzo no Atlántico sorprendeu aos meteorólogos. Era a primeira vez que un fenómeno deste tipo acadaba a máxima categoría, a 5, tan ao leste deste océano. O impacto foi notorio nas Azores. Agora é outro furacán, co nome de Pablo, o que se formou en latitudes moi pouco habituais.
Segundo informou nos últimos días o Centro Nacional de Furacáns (NHC) dos Estados Unidos, acadou o domingo a categoría 1. Moito máis débil ca Lorenzo, pero coa forza suficiente para ser cualificado como furacán. Segundo expuxeron algúns expertos, é un dos furacáns que se situou máis ao norte e ao leste desde que hai rexistros.
#Pablo is now a #hurricane. It became a hurricane at 18.3°W – the farthest east an Atlantic named storm has first become a hurricane on record – breaking the old record set by Vince in 2005 (18.9°W). pic.twitter.com/f3Nwh8vXtY
— Philip Klotzbach (@philklotzbach) October 27, 2019
Con todo, nin afectará a Galicia nin, en principio, a ningunha outra zona habitada. Durante o luns, segundo as previsións, o furacán Pablo desprazarase cara ao oeste, no medio do Atlántico, e perderá as características tropicais transformándose nunha borrasca. Na actualidade os ventos acadan na súa zona de influencia os 85 km/h, e a presión mínima é de 990 mb.
