Dous terremotos fixeron tremer Galicia nas últimas horas. O primeiro, de magnitude 2,4 na escala de Richter rexistrouse este domingo pola tarde, ao redor das 18.30 horas, con epicentro no municipio ourensán de Cualedro. Tivo unha profundidade de 4.000 metros.
O segundo, de magnitude 2,7 e 20 quilómetros de profundidade, produciuse ás 6.00 h desta mañá do luns, no océano Atlántico, nunha zona próxima ao litoral norte da comunidade, segundo informa o Instituto Xeográfico Nacional.
O último sismo salientable en Galicia deuse o pasado mes de novembro con epicentro en Melgaço, Portugal, e sentiuse no sur de Pontevedra. Este terremoto foi de magnitude 3,8 na escala aberta de Richter, e foi sentido pola poboación en localidades tan distantes como Ponteareas.
