Cantos días con máis de 35ºC haberá en Galicia a finais de século? Consúltao neste mapa

A provincia de Ourense, Monforte e os vales do Sil e do Miño, serán os que experimenten un ascenso máis acusado

Coa chegada do verán, as temperaturas aumentan exponencialmente. En Galicia, a diferenza entre inverno e verán percíbese no ambiente. Con todo, este desaxuste nos termómetros irá aumentando ao longo do tempo. Así o demostra Dominic Royé, investigador da Fundación para a Investigación do Clima (FIC), a través do GIF publicado no seu perfil da rede social X. Nel, móstrase a evolución de días con máis de 35°C ao longo do século XXI.

Grazas a un mapa de coropletas que inclúe a península ibérica e as illas Baleares, o climatólogo baséase no escenario SSP2-4.5 establecido pola ONU para implantar os datos. Neste, as emisións de CO2 roldan os niveis actuais antes de empezar a descender a mediados de século, mais non chegan ao cero neto ata 2100. Neste escenario, as temperaturas aumentan 2,7 grados a finais da centuria. As datas analizadas abranguen o mes de maio entre os anos 1981 e a fin do XXI, é dicir, 119 anos de análise.

Publicidade

O gráfico mostra que, de media, na España peninsular só se rexistraban estas temperaturas un día cada catro anos. Así e todo, os graos irán aumentando a medida que o impacto do cambio climático medre. Segundo os datos que achega Royé, a metade de século os días con máis de 35°C representarán 1 cada ano, e cara 2100, 3 días cada dous anos. Estas xornadas de temperaturas elevadas tamén aumentan en todo o territorio galego.

A evolución en Galicia

A través do mapa, pódese apreciar que no período que abarca os anos 2041-2070, as costas galegas vivirán 0,2 e 0,3 días de calor por riba dos 35°C a metade de século. Mentres, no interior, aumentará a cifra entre os 0,5 e 2 días, cunha máxima na provincia de Ourense.

Cara ao final do século, no período dende 2071 ata 2100, os termómetros da zona costeira subirán ata chegar a 0,5 días, namentres nas localizacións do interior chegará a 3-4 días ao ano. Esta situación percíbese principalmente en Ourense, alcanzando zonas de Monforte, o Val do Sil e do Miño.

Nesta zona interior de Galicia, pódese observar un dato histórico dun día cada 2 anos superando os 35°C, mais á metade de século xa será un día cada ano. De feito, co inicio do XXI, as cifras poderían chegar a 3-4 días cada dous anos. É un fenómeno que está ben marcado na depresión de Monforte e nos vales dos dous grandes ríos galegos, zonas que xa na actualidade chegan a temperaturas extremas.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A visualización da NASA que alerta do quecemento global: “O peor está por chegar”

A axencia espacial estadounidense advirte que a última década foi a máis cálida dende que hai rexistros

Como afectan as chuvias extremas á contaminación na ría de Arousa?

Un modelo da UDC simula a viaxe dos refugallos ata o mar e estuda como as precipitacións intensas axudan no proceso

Un estudo vincula as temperaturas extremas co risco de mortalidade por ictus

As probabilidades de ter accidentes cerebrovasculares asociados á calor ou ao frío intensos son maiores en países de renda baixa

A enerxía eléctrica foi a maior fonte de gases de efecto invernadoiro en Galicia en 2022

A actividade deste sector produciu 2,2 megatoneladas de emisións no territorio galego, cun forte impacto da empresa Repsol