Martes 19 Marzo 2024

Confirmado o primeiro depredador da velutina en Europa

Científicos do CSIC e da Universidade Pompeu Fabra atopan cun estudo de ADN que o miñato abelleiro tamén ataca á vespa asiática

Non. O miñato abelleiro (Pernis apivorus) non vai rematar coa praga da vespa velutina, pero por primeira vez se confirma a existencia dun depredador en Europa para esta especie chegada de Asia. A pouca presenza do abelleiro e a masiva presenza da vespa asiática fan que súa acción sexa case anecdótica para erradicar a invasión. Pero científicos do Instituto de Bioloxía Evolutiva ( IBE-CSIC) e da Universidade Pompeu Fabra (UPF) veñen de confirmar nun estudo que estas rapaces son o maior inimigo da avespa asiática en España, xa que son capaces de depredar os niños activos da velutina mesmo nos momentos de máxima actividade e produtividade das súas colonias, que coinciden cos de maior demanda de alimento do abelleiro europeo.

Para a elaboración do traballo, publicado na revista especializada Bird Study, os investigadores estudaron de preto, entre os anos 2011 e 2018, os niños dunha poboación destas aves que nidifica nos parques de Barcelona.7

Publicidade

Fixáronse nos avispeiros que depredaban os adultos para alimentar ás súas crías e viron que as celas eran de dimensións moi grandes, co que só podían pertencer a unha especie de avespa moi rara na zona, a Vespa crabro ou ‘ avispón’, ou á avespa asiática.

Unha análise xenética posterior confirmou co ADN que se trataba da especie asiática. O interesante do estudo é que se identifica ao primeiro depredador da vespa velutina en Europa, aínda que ten algúns en Asia, de onde procede.

No novo traballo, os investigadores da Pompeu Fabra salientan o bico destas rapaces, “perfecta”, aseguran nun comunicado , para extraer a gran velocidade as larvas dos niños de avespa asiática.

Así mesmo, o autor principal do traballo, Francesc Xavier Macià, apunta que “estas aves teñen unha habilidade extrema para localizar os niños das avespas construídos tanto en superficie como baixo terra”. O abelleiro europeo confírmase dende agora como a primeira especie que se coñece en Europa capaz de depredar as súas colonias.

Aquí podes ler o artigo publicado na revista Bird Study

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Zendal lanza a primeira vacina de tecnoloxía ADN contra a leishmaniose canina

‘Neoleish’ reduce a presenza do parasito en máis dun 90% e mellora os signos clínicos da doenza

Un composto natural reduce o impacto da seca e mellora a produtividade do tomate

Un equipo do CSIC e da UPV descobre como actúa o butanoato de hexenilo, un aroma que emiten estas plantas para resistir ás bacterias

Como usar datos históricos para a conservación de especies: así é a nova metoloxía con pegada galega

A UVigo e o CSIC proban un método en escaravellos coprófagos ibéricos que permite comprender a súa resposta a cambios ambientais
00:03:09

As patacas teñen lingua propia: o vídeo dunha galega finalista nun certame de divulgación

A investigadora da Misión Biolóxica de Galicia Lucía Martín Cacheda presenta unha peza audiovidual sobre a comunicación química das plantas