Venres 29 Marzo 2024

Sen Pexas, a web que denuncia o maltrato aos cabalos en Galicia

No ano 2012, a asociación animalista Libera puxo en marcha en Galicia a campaña Sen Pexas. A través dunha web, a entidade denunciaba, grazas á colaboración cidadá, “unha práctica gandeira moi habitual e ‘tradicional'” que persiste no país: inmobilizar aos cabalos con pexas ou trancas. Esta práctica, segundo sinalan desde Libera, pode causarlles aos animais malformacións, infeccións e mesmo amputacións.

Foto do cabalo atopado en Sigüeiro, inmobilizado cunhas cordas a modo de pexas. Fonte: Libera.
Foto do cabalo atopado en Sigüeiro, inmobilizado cunhas cordas a modo de pexas. Fonte: Libera.

Esta semana, a web rexistrou un novo caso en Sigüeiro, preto de Santiago, onde apareceu un animal coas patas atadas. “Recibimos a información de que levaba un tempo longo nestas circunstancias e a comezos de mes trasladamos o tema á Garda Civil“, conta Rubén Pérez, voceiro de Libera. Pérez lembra outro caso recente, neste caso no concello de Vilaboa, “onde o Seprona liberara ao animal e incoara dilixencias para esclarecer os feitos e o responsable da colocación dun aparello de cordas moi semellante ao detectado en Oroso”.

Publicidade

Rubén Pérez destaca que neste tempo de traballo o obxectivo de Sen Pexas conseguiuse “amplamente“. Agora, di, “é habitual que tanto veciños como asociacións, mesmo a Policía municipal ou autonómica e a Garda Civil avisen das actuacións relacionadas con este tema, cando antes pasaba desapercibido”. Con todo, recoñece que queda traballo por facer. “A erradicación non só non se acadou, senón que é todavía normal ver animais neste estado aínda que hai comarcas, como O Salnés, onde a presión do Seprona conseguiu a práctica desaparición destas pexas ou cordas”.

Os obstáculos na loita contra as pexas seguen sendo, con todo, aínda abundantes. “Custa dar cos responsables porque, a pesares de ser obrigatoria a identificación, estes animais non levan microchip e existe un pacto de silencio xeneralizado ao respecto dos casos de maltrato; non só de cabalos, senón tamén de cans e outras especies”, lamenta Rubén Pérez. O voceiro de Libera engade que “cando un axente pregunta na zona pola responsabilidade do animal sempre existen excusas ou suposto descoñecemento, cando en realidade sí que se adoita saber a quén pertencen estes animais, básicamente porque estes núcleos de poboación son pequenos e existe un grande coñecemento humano.

O mapa Sen Pexas

Mapa das denuncias realizadas en Galicia. Fonte: Cabalos sen Pexas.
Mapa das denuncias realizadas en Galicia. Fonte: Cabalos sen Pexas.

Desde que se puxo en marcha Sen Pexas, o portal impulsado por Libera e a Fundación Franz Weber amosou 158 denuncias, nas que se estima que estaban afectados máis de 500 animais. Os casos concéntranse nas Rías Baixas e no norte de Lugo e A Coruña, aínda que tamén hai casos noutras zonas do territorio. A iniciativa recolle na súa web un formulario para a denuncia, no que se pode aportar a información precisa sobre cada novo caso.

Ademais, Libera mantén activa unha campaña en Change.org co mesmo obxectivo. En cinco meses acumulan xa 130.000 sinaturas.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Para que lles serven ás cebras as súas raias?

A cor da pelame destes animais leva sendo obxecto de estudo científico desde hai máis de 150 anos, e baralláronse diferentes hipóteses

Unha tese expón os beneficios do gando vacún e cabalar no monte baixo cantábrico

O enxeñeiro Carlos López presentou na súa investigación como o comportamento de bóvidos e cabalos repercute na sustentabilidade destas zonas

Escándalo en Alemaña polo maltrato a monos, cans e gatos nun laboratorio

Dúas oenegués destapan as duras condicións ás que eran sometidos os animais, nuns feitos que a Fiscalía xa está investigando

A plataforma Primare aposta pola novas tecnoloxías para apoiar ao campo galego

AMTEGA impulsa un proxecto que pode colocar a Galicia na vangarda do sector primario