Explicación: as luces da cidade brillan ao longo da beira do leste superior de Manahattan nesta espectacular paisaxe urbana celeste nocturna do 13 de febreiro. Composta a partires dunha serie de exposicións dixitais, a imaxe monocroma é unha reminiscencia da época cando a película sensible ao branco e negro era unha escolla popular para a tenue luz nocturna e a astrofotografía. Os 22 fotogramas combinados, que abarcan 2 minutos e 40 segundos, miran ao través da reserva do Parque Central da cidade de Nova York. As estrelas deixan o rastro na secuencia de imaxes mentres as nubes á deriva fan debuxos no ceo. A liña punteada na escena surreal, perfilada desde arriba ata abaixo, é a Estación Espacial Internacional baixo a luz solar e dirixíndose ao horizonte surleste. Os curtos intervalos de tempo entre as fotografías deixan ocos no ronsel brillante da estación espacial.
