Martes 5 Marzo 2024

Escándalo en Alemaña polo maltrato a monos, cans e gatos nun laboratorio

Dúas oenegués destapan as duras condicións ás que eran sometidos os animais, nuns feitos que a Fiscalía xa está investigando

Unha investigación desenvolvida polas oenegués Cruelty Free International e Soko Tierschutz está xerando un importante rebumbio en Alemaña debido ás crueles condicións nas que se atoparon a monos, cans e gatos nun laboratorio de Hamburgo. A Fiscalía xa comezou as pesquisas por delitos de maltrato animal, despois de que o xornal Süddeutsche Zeitung destapara a situación hai uns días.

As imaxes, nas que se ven cans e gatos mortos, monos engaiolados e obrigados a xirar sobre unha plataforma, vomitando debido a dureza destas accións, están tomadas por activistas que se infiltraron como traballadores do laboratorio. O Laboratory of Pharmacology and Toxicology (LPT) de Hamburgo é, segundo The Guardian, un dos maiores laboratorios privados de Alemaña, cuns 175 traballadores.

Publicidade

“Infiltramos un dos nosos membros durante catro meses como traballador e gravou as imaxes. Hai gatos aos que se lles sacaba sangue 13 veces ao día. A xente ten dereito a saber o que pasa nestes laboratorios, explica Friedrich Mülln, un dos fundadores de Soko, segundo recolle El País.

Segundo puideron constatar estas persoas, os monos, cans e gatos eran sometidos a probas con substancias tóxicas que lles causaban serios danos. “Aos animais inxectábanlles ou facíanlles comer ou inhalar unha substancia para medir os efectos tóxicos, que ían desde os vómitos, hemorraxias internas, problemas respiratorios e cutáneos, perda de peso, letarxias, fallos orgánicos e mesmo a morte. Non usaban anestéxicos nin analxésicos”, informa Cruelty Free International nun comunicado.

 

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

“Non hai boa ciencia se non se ten en conta o benestar do animal”

O Centro de Biomedicina Experimental organiza unha xornada de transparencia coa presentación do seu informe anual guiada polo profesor Anxo Vidal

Alemaña prepara un estudo a gran escala para coñecer a inmunidade da poboación

Os expertos en epidemioloxía que asesoran ao goberno traballan nunha mostraxe a 100.000 persoas para axudar na toma de decisións a medio e longo prazo

Kutschman, o criminal nazi que fuxiu por Vigo… e foi capturado

A rocambolesca historia do xerarca alemán que foi agochado en Galicia coa identidade falsa dun crego para escapar á Arxentina

Elektra Sonne, as antenas de Hitler en Lugo

A Alemaña nazi ergueu en Cospeito, na Terra Chá, un importante complexo de comunicacións para os submarinos U-boot e os avións da Luftwaffe