A central das Pontes emitiu en 2018 7,9 millóns de toneladas de CO2 equivalente. Imaxe: luscofusco/Wikicommons.
A central das Pontes emitiu en 2018 7,9 millóns de toneladas de CO2 equivalente. Imaxe: luscofusco/Wikicommons.

A central das Pontes, no top 20 das emisións de CO2 en Europa

A central térmica que Endesa ten nas Pontes é a número 19 entre as factorías que máis gases de efecto invernadoiro emiten á atmosfera. Así o indican os datos de 2017 do sistema europeo de comercio de dereitos de emisións (ETS), que fixo públicos a Comisión Europea, e que recolle o diario El País. A factoría das Pontes emitiu o ano pasado 8,1 toneladas de CO2 equivalente (a medida empregada para os gases de efecto invernadoiro), lixeiramente por debaixo da central que máis gases emite en España, a de Aboño, en Gijón, propiedade de EDP.

Nos datos que expuxo a Comisión Europea vese que sete das 10 factorías de Europa que máis gases expulsan á atmosfera están en Alemaña. Porén, o primeiro lugar ocúpao unha planta situada en Polonia: Belchatow, que o ano pasado emitiu 37,6 millóns de toneladas de CO2 equivalente. Todas as factorías situadas entre as 10 primeiras da Unión obteñen electricidade queimando carbón.

O sistema ETS que emprega a UE obriga a todos os países a render contas ante a Comisión. É un sistema de compra e venda de dereitos que obriga a contabilizar cada tonelada de gases que emiten arredor de 11.000 instalacións industriais de todo o territorio comunitario. No listado tamén se inclúen, pola elevada cantidade de CO2 que emiten á atmosfera, as aeroliñas que operan no espazo aéreo europeo.

O sistema rexistra, ademais do C02, o metano, óxido nitroso, hidrofluorocarburos (HFC), perfluorocarburos (PFC) e hexafluoruro de xofre (SF6).

 

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.