Aparece unha balea morta na Estación Naval da Graña, en Ferrol

Foi descuberta polo persoal de garda nunha das roldas de vixilancia, sendo retirada da auga ao redor das 10:00 horas

Á primeira hora do amencer foi detectado o corpo dun cetáceo morto, identificado como cría de rorcual común duns 8 metros de lonxitude, flotando boca abaixo en augas dos peiraos da Estación Naval da Graña, en Ferrol.

Tal achado foi efectuado polo persoal de garda durante unha das súas habituais roldas de vixilancia nas instalacións portuarias do recinto militar. Atopábase flotando nas proximidades dos pantaláns de embarcacións menores, onde permaneceu baixo supervisión para controlar que en todo momento non implicase perigo algún para a navegación, no hipotético caso de que fose arrastrado por posibles correntes, e ata ser retirado polos medios axeitados.

Publicidade

De maneira inmediata foron avisados o Centro de Coordinación e Servizos da Autoridade Portuaria de Ferrol-San Cibrao (CCS) e a Coordinadora para o Estudo dos mamíferos mariños de Galicia (CEMMA) para a realización dunha necropsia, así como o Servizo de Emerxencias 112 e a Estación Biolóxica da Graña para a adopción das medidas oportunas respecto á retirada do cetáceo, que foi finalmente efectuada pola Autoridade Portuaria ao redor das 10:00 horas. Hai uns días tamén apareceu un golfiño varado na ría de Ferrol, que foi trasladado posteriormente á praia da Cabana.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Buscan nun cemiterio de Narón unha das maiores fosas creadas polos golpistas en Galicia

O 26 de decembro de 1936 levouse a cabo unha das máis grandes execucións masivas das que hai constancia en terras galegas, na que foron asasinadas un total de 34 persoas
00:02:11

Avistada unha balea xibarte adulta preto de Malpica

O exemplar ten un tamaño aproximado de 12-15 metros. En Galicia esta especie avístase aproximadamente unha vez ao ano

As baleas déixanse ver nas costas galegas: avistado un rorcual alibranco en Cangas

Os expertos explican que os xigantes do océano navegan nas augas de Galicia todo o ano, aínda que agora se concentren máis para alimentarse

Aparece en Ferrol unha balea xibarte morta de case 10 metros

É o primeiro cetáceo desta especie que vara en Galicia dende 2011, e puido morrer ao quedar engachado en aparellos de pesca