O CITIC recibe o Premio Nacional de Enxeñería Informática polo seu programa ‘Talentos inclusivos’

A iniciativa busca solucións tecnolóxicas a necesidades como un sistema anticolisión para cadeiras de rodas ou xogos adaptados

Talentos Inclusivos, o programa colaborativo posto en marcha polo Centro de Investigación en Tecnoloxías da Información e da Comunicación (CITIC) da Universidade da Coruña (UDC) e Aspace Coruña, acaba de recibir o recoñecemento por parte do Consello Xeral de Colexios Profesionais de Enxeñería de Informática de España (CCII) que, nesta primeira edición, outorgoulle o premio nacional na categoría “Humanismo e Compromiso Social”.

O director do CITIC, Manuel F. González Penedo, quen participou no acto de entrega este xoves na Real Academia de Enxeñería en Madrid, agradeceu este recoñecemento, que, segundo asegurou, “vén premiar a esencia do proxecto e tamén o labor dun centro, o noso, que traballa e evoluciona conectado coa sociedade e as súas necesidades”. “Talentos Inclusivos é un chamamento dobre. Por unha banda, ao talento e as vocacións científicas no ámbito das TIC de estudantes de ESO e Bacharelato e, pola outra, a darlle visibilidade á discapacidade, atendendo algunhas demandas en materia tecnolóxica, neste caso particular ás das persoas usuarias de Aspace Coruña”, engadiu o director do CITIC na súa intervención ao recoller o premio.

Publicidade

O proxecto

O programa Talentos Inclusivos é un proxecto posto en marcha polo CITIC da UDC e Aspace Coruña, que conta co apoio do Consello Social da UDC, a Fundación Española para a Ciencia e a Tecnoloxía (FECYT) do Ministerio de Innovación, a Xunta de Galicia e o Concello da Coruña. Como novidade durante este curso escolar, o proxecto, centralizado ata o de agora na provincia coruñesa, estendeuse a toda Galicia ao contar coa participación de alumnado de Ourense.

Manuel F. González Penedo, director do CITIC; Fernando Suárez Lorenzo, presidente do CPEIG; Julio E. Abalde Alonso, reitor da UDC; Javier Pereira Loureiro, subdirector do CITIC.

O estudantado (máis de 200 na edición 2022-2023) traballa xunto con persoas usuarias de Aspace Coruña para buscar solucións tecnolóxicas ás necesidades tales como a fabricación dun pulsador para abrir a porta principal, un sistema anticolisión para cadeiras de rodas ou xogos tradicionais adaptados.

Publicidade

Os premios

Os Premios Nacionais de Enxeñería en Informática buscan fomentar o prestixio da profesión nun momento no que a tecnoloxía converteuse nun elemento fundamental nas nosas vidas e vai camiño de transformarse nunha infraestrutura básica na sociedade dixital. Coa súa creación, o Consello Xeral de Colexios Profesionais de Enxeñería en Informática de España (CCII) pretende recoñecer o traballo dun total de nove persoas, empresas ou institucións que achegan, a distintos ámbitos da sociedade, a enxeñería en informática.

Así, ademais do CITIC, tamén foi recoñecido o traballo de Asunción Gómez-Pérez, vicerreitora da Universidade Politécnica de Madrid, recentemente elixida como “silla q” da Real Academia Española. Entre os seus méritos, para lograr o premio profesional, atópase o seu gran labor na adaptación da lingua española á intelixencia artificial.

Tamén recibiu o galardón Mario Piattini, enxeñeiro informático, polo seu papel tan relevante na investigación da enxeñería de software e de sistemas. Pola súa banda, a app Mi #Cartafol Ciudadano, levada a cabo polo Ministerio de Asuntos Económicos e Transformación Dixital, fíxose co galardón a mellor proxecto público, mentres que o labor de ArcelorMittal foi merecedora do mellor proxecto persoal.

Na categoría de divulgación dixital, Karina Gibert conseguiu o premio, mentres que o despacho de peritos informáticos de Eugenio Picón foi o gañador do premio “Empresa ética”. Completa a lista de galardoados Conxi Pérez Andreu, que consegue o premio ‘Emprendemento, persoa emprendedora’, mentres que OK Ticket leva ese mesmo galardón na modalidade de empresa.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Este cranio de quen é? Como identificar restos humanos con imaxes de antes e despois da morte

Un investigador do CITIC desenvolve un sistema que axudará a mellorar a metodoloxía da superposición craniofacial

Un equipo da Coruña ensaia unha ferramenta de IA para apoiar o profesorado

A iniciativa ProgTutor levouse a cabo con 40 estudantes de bacharelato do IES Sofía Casanova de Ferrol

Estas son as claves do desenvolvemento da industria conserveira galega

https://theconversation.com/javascripts/lib/content_tracker_hook.js *Un artigo de Desde a década de 1960, a poboación mundial...

A UDC desenvolve unha nova metodoloxía para motores mariños de combustión

Este novo deseño podería mellorar a eficiencia térmica desta ferramentas de navegación dispoñibles no mercado