A Xunta de Galicia vén de declarar a emerxencia cinexética temporal en todo o territorio de Galicia ante a presenza e os danos ocasionados polo xabaril, que entrará en vigor o venres 31 de xullo e estenderase durante o vindeiro ano, abranguendo así toda a tempada de caza 2026-2027, incluídos os Tecores e zonas libres, onde se poderán desenvolver estas medidas extraordinarias e excepcionais. Ademais, nesta ocasión, inclúense tamén as explotacións cinexéticas comerciais de caza maior. Trátase primeira vez que se aplica en toda a comunidade e a sexta vez que se recorre a este instrumento provisional coa fin de axilizar a aplicación de medidas dirixidas ao control das poboacións desta especie.
Segundo o Goberno galego, a necesidade da declaración busca eliminar o risco e reducir o tamaño das poboacións de xabaril para previr posibles futuros danos. A resolución débese a unha análise pormenorizada dos efectos da agricultura, dos accidentes de tráfico e do censo gandeiro porcinos. Tamén se tomou en consideración o seu potencial como factor de difusión e mantemento da peste porcina africana, xa que a elevadas poboacións favorecen a dispersión da enfermidade, dificultan a súa erradicación e incrementan o risco de que pase a ser endémica en Europa.
Durante a súa vixencia, permitirase abater ou capturar sen límite de exemplares, xabarís de ambos sexos, prioritariamente femias adultas e subadultas de todas as idades. Así mesmo, será posible abater crías e femias seguidas de crías sempre e cando haxa unha autorización especial previa por parte da Dirección Xeral de Patrimonio Natural, de acordo co establecido na Lei de caza de Galicia. Con todo, a declaración de emerxencia cinegética temporal poderá quedar suspendida antes no seu conxunto ou en parte do ámbito de aplicación, sempre previa resolución, de constatarse que desapareceron as causas que motivaron a declaración.
